संपादक : सौ. जयश्री खाडिलकर - पांडे
Tuesday, 07 February 2023

गाझियाबादमध्ये हवेचे गंभीर प्रदूषण नियम मोडल्यास 15 लाखांचा दंड

Facebook
Twitter
WhatsApp
Telegram
Email

गाझियाबाद – राजधानी दिल्लीला लागून असलेल्या गाझियाबादमधील हवेचा दर्जा निर्देशांक गंभीर श्रेणीत पोहोचला आहे. प्रदूषणाला आळा घालण्यासाठी गाझियाबादसह एनसीआरमध्ये ‘ग्रेप’चा तिसरा टप्पा लागू करण्यात आला आहे. एनसीआरमध्ये ग्रेप-3 लागू झाल्यानंतर खाजगी बांधकाम उपक्रमांवर निर्बंध लादण्यात आले आहेत. नियमांचे उल्लंघन केल्यास 15 लाख रुपये दंड आकारला जाईल. नियम मोडणाऱ्यांना सध्या नोटिसा बजावल्या जात आहेत.
लोहा मंडईतील रस्त्यांची गेल्या अनेक वर्षांपासून दुरवस्था झाली आहे. रस्त्यावरून उडणाऱ्या धुळीमुळे हवेचे प्रदूषण वाढत आहे. त्याचवेळी संतप्त लोखंड व्यापाऱ्यांनी रस्तेबांधणी आणि वायूप्रदूषणापासून मुक्ती मिळवण्यासाठी होर्डिंग्ज लावत महापालिका आणि उत्तर प्रदेश राज्य औद्योगिक विकास प्राधिकरण यांच्याकडे रस्ता तयार करण्याची मागणी केली.गाझियाबाद लोह विक्रेता मंडळाचे अध्यक्ष डॉ.अतुल कुमार जैन म्हणाले की, लोहा मंडई परिसरातील व्यापारी, रहिवासी आणि कर्मचाऱ्यांच्या सुरक्षिततेसाठी आणि अपघातांना आळा घालण्यासाठी रस्त्याचे बांधकाम अत्यंत महत्त्वाचे आहे. गेल्या अनेक वर्षांपासून याची मागणी होत आहे.येथे दररोज दुचाकी व चारचाकी वाहनांचे अपघात होत आहेत.
वाहनांच्या वाहतुकीमुळे तुटलेल्या रस्त्यांवरून उडणाऱ्या धुळीच्या कणांमुळे वायू प्रदूषणात वाढ होत आहे. याठिकाणी नाल्या व गटारांची व्यवस्था संबंधित संस्थेने केलेली नाही. रस्ते खड्डेमुक्त करण्याचा राज्य सरकारचा आदेश असल्याचे लोखंडी व्यापाऱ्यांचे म्हणणे आहे.मात्र येथे रस्तेच शिल्लक नाहीत त्या रस्त्यांचे काय? असा सवाल त्यांनी केला आहे.

आजचे हवामान
ताज्या बातम्या
Close Bitnami banner
Bitnami