नवी दिल्ली- दिल्लीतील महापौरपदाच्या निवडणुकीची नवी तारीख जाहीर झाली आहे.आता 22 फेब्रुवारी रोजी 11 वाजता ही निवडणूक होणार आहे. उपराज्यपाल विनय कुमार सक्सेना यांनी मंजुरी दिली असून दिल्ली सरकारने उपराज्यपालांना पाठविलेला प्रस्ताव केवळ दोन तासांत मंजूर केला आहे. यापूर्वी सभागृहात तीनवेळा सभा झाली असली तरीही भाजप आणि आप नेत्यांच्या जोरदार गोंधळामुळे महापौरची निवडणूक होऊ शकली नव्हती.
या निवडणुकीच्या मुद्यावर शुक्रवारी सुप्रीम कोर्टात सुनावणी झाली.सुनावणीत न्यायालयाने नामनिर्देशित सदस्यांना मतदानाचा अधिकार देण्यास नकार दर्शवला आणि महापौर निवड प्रक्रिया सुरू करण्यासाठी 24 तासात नोटीस बजावण्यास सांगितले.आपने महापौरपदासाठी शैली ओबेरॉय तर भाजपने रेखा गुप्ता यांना उमेदवारी दिली. उपमहापौरपदासाठी आपच्या वतीने मोहम्मद इक्बाल तर भाजपकडून कमल बागडी निवडणूक लढविणार आहेत.
