नदीत कोसळला ट्रॅक्‍टर एकाच मृत्‍यू,दोघे गंभीर

भंडारा – शेतातील माल घेऊन जाणार्‍या ट्रॅक्टरला ट्रकने साइड न दिल्याने ट्रॅक्टर सरळ पुलावरुन ३० फुट चुलबन्द नदीत कोसळला.ही घटना भंडारा जिल्ह्याच्या लाखांदुर येथे पवनी- लाखांदुर मार्गावरिल शिवमंदीर जवळ घडली.यात ट्रॅक्टरवरील एकजण जागीच ठार तर दोघे गंभीर जखमी झाले.
लाखांदुर येथील शेतकरी राष्ट्रपाल ठाकरे यांनी आपल्या शेतातील कडधान्य बाजार समिती येथे नेण्याकरिता ट्रॅक्टरमध्ये भरून सहकारी अन्ना पारधी व राध्येश्याम ढोरे यांच्यासोबत ट्रॅक्टरवर निघाले होते. लाखांदुर- पवनी मार्गावरील चुलबन्द नदीवरील पुलावरुन समोर येणार्‍या भरधाव ट्रकने साइड न दिल्याने ट्रॅक्टर अपघात होण्यापासून वाचविण्याच्या नादात सरळ ३० फुट पुलावरुन नदीत कोसळला. या भीषण अपघातात ट्रॅक्‍टरवर बसलेला अण्णा पारधी ( ५०) यांच्या जागीच मृत्यु झाला. तर राष्ट्रपाल ठाकरे (५०) यांचा पाय मोडला असून राध्येश्याम ढोरे (४४) हेही गंभीर जखमी झाले. अपघात होताच लोकांनी घटनास्थळी धाव घेतली. ट्रॅक्टरमध्ये फसलेल्या लोकांना बाहेर काढत लाखांदूर ग्रामीण रुग्णालयात हलविण्यात आले.जखमींवर उपचार सुरु आहे.