संपादक : सौ. जयश्री खाडिलकर - पांडे
Wednesday, 05 October 2022

बंद भुसावळ – वर्धा पॅसेंजर १५ नोव्हेंबरपासून सुरू होणार

Facebook
Twitter
WhatsApp
Telegram
Email

भुसावळ- गेल्या अडीच वर्षांपासून बंद असलेली भुसावळ – वर्धा पॅसेंजर पुन्हा एकदा प्रवाशांच्या सेेवेत रुजू हाेणार आहे.ही पॅसेजर रेल्वे येत्या १५ नोव्हेंबरपासून सुरू हाेणार असल्याने मध्यमवर्गीय प्रवाशांना आर्थिकदृष्ट्या लाभदायक होणार आहे.मध्य रेल्वेने प्रवाशांच्या सोयीसाठी ही रेल्वे सुरू करण्याचा निर्णय घेतला आहे.
या पॅसेंजरद्वारे विदर्भातील भाविकांचे श्रद्धास्थान असलेली संत नगरी शेगाव येथे मोठया संख्येत प्रवासी ये-जा करत असतात.आता हि पॅसेंजर सुरू होत असल्यामुळे प्रवाशांना दिलासा मिळाला आहे. पॅसेंजर असल्यामुळे प्रत्येक लहान स्थानकांवर ती थांबते.त्यामुळे सर्वसामान्य प्रवाशांसाठी ती किफायती व सोयीस्कर असल्याची माहिती मध्य रेल्वेच्या भुसावळ कार्यालयाद्वारे देण्यात आली.ही पॅसेंजर रेल्वे दररोज धावणार आहे. एकूण १० जनरल सिटींग (जनरल सिटींग) व दोन एसएलआर (सिटींग कम लगेज रक) असे एकुण १२ कोच राहतील. अधिसूचनेनुसार भुसावळ- वर्धा – भुसावळ ( १११२१) ही ट्रेन भुसावळ येथून दुपारी ०२.३० वाजता सुटेल व शेगाव रेल्वे स्थानकावर दुपारी ०४.४५ वाजता पोहोचेल.ही पॅसेंजर वर्धा रेल्वेस्थानकावर रात्री ०८.२६ वाजता पोहोचेल.तसेच वर्धा-भुसावळ-वर्धा ( १११२२) पॅसेंजर वर्धा रेल्वेस्थानकावरून मध्यरात्री १२.०५ वाजता सुटेल. शेगाव रेल्वेस्थानकावर ही ट्रेन पहाटे ०४. ४७ वाजता पोहचेल आणि शेवटी भुसावळ रेल्वेस्थानकावर रात्री ०७.२५ वाजता पोहोचेल.ही पॅसेजर सुरू झाल्याने मध्यमवर्गीय प्रवाशांना आर्थिक दृष्ट्या लाभदायक होणार आहे.

आजचे हवामान
ताज्या बातम्या
Scroll to Top
Close Bitnami banner
Bitnami