उदयपूर – राजस्थानमधील उदयपूर शहरात बजरंग दलाच्या कार्यकर्त्याची दुकानाबाहेर बोलावून डोक्यात गोळी घालून हत्या केल्याची खळबळजनक घटना काल सोमवारी रात्री घडली. उदयपूरच्या अंबामाता परिसरात रात्री आठच्या सुमारास ही घटना घडली.
हत्या करण्यात आलेल्या बजरंग दल कार्यकर्त्याचे नाव राजू ऊर्फ राजेंद्र परमार असे असून तो बजरंग दलाचा माजी जिल्हा संयोजक आणि एक प्रॉपर्टी डीलर व्यावसायिक होता. दोन तरुणांनी राजूला दुकानाबाहेर बोलवून थेट त्याच्या डोक्यात दोन गोळ्या झाडल्या.त्यानंतर हल्लेखोरांनी लगेच तिथून पळ काढला.प्रीतम सिंग ऊर्फ बंटी नावाच्या एका तरुणाने या हल्ल्याची आपण जबाबदारी स्विकारली असल्याची पोस्ट फेसबुकवर टाकली आहे.मृत राजेंद्र परमार हा सराईत गुन्हेगार असून त्याने माझ्या मामाची जमीन हडपण्याचा प्रयत्न केल्याचा आरोप प्रीतम सिंगने आपल्या पोस्ट मध्ये केला आहे.तसेच त्यांने आपली पोस्ट फेसबुकवरून काढून टाकली आहे.
