अलिबाग- २० जानेवारी रोजी आमदार राजन साळवी यांची लाच लुचपत कार्यालयात सहा तास चौकशी करण्यात आली होती. त्यावेळी त्यांच्या मालमत्तेबाबत काही कागदपत्रे त्यांना सादर करण्यास सांगितले होते. त्यानुसार राजन साळवी आज चौकशीसाठी लाचलुचपत कार्यालयात हजर झाले होते.
एसीबीने थेट जिल्हाधिकाऱ्यांना पत्र लिहून राजन साळवी यांनी २००९ पासून केल्याला कामाचा तपशील मागवला होता. खर्च केलेला निधी, कंत्राटदाराचे नाव, कामाची रक्कम, कामांची तारीख आणि बिल अदा केल्याची तारीख याबाबतची माहिती मागवण्यात आली होती. त्यावेळी आमदार राजन साळवी लाच लुचपत कार्यालयात बुधवारी उपस्थित होते. साळवी तिसऱ्यांदा चौकशीसाठी अलिबाग लाच लुचपत कार्यालयात चौकशीसाठी हजर राहिले आहेत.
दरम्यान, आमदार राजन साळवी यांच्या स्वीय सहाय्यक सुभाष मालप यांचीही मालमत्तेबाबत चौकशी करण्यात आली आहे. आज बुधवारी दुपारी बारा वाजता आमदार साळवी यांनी अलिबाग कार्यालयात हजर राहून कागदपत्र सादर केली आहेत.
