संपादक : सौ. जयश्री खाडिलकर - पांडे
Sunday, 03 July 2022

राज्यात येत्या ५ दिवसांत सोसाट्याच्या वाऱ्यांसह वादळाची शक्यता

Facebook
Twitter
WhatsApp
Telegram
Email

पुणे – राज्यातील काही जिल्ह्यांमध्ये येत्या ५ दिवसांत विजांचा कडकडाट आणि सोसाट्याच्या वाऱ्यांसह वादळाची शक्यता वर्तवण्यात आली आहे. पुण्यातील हवामान विभागाचे प्रमुख के. एस. होसळीकर यांनी याबाबत ट्विट केले आहे. पश्चिम किनार्‍यावर ऑफ-शोअर ट्रफ आणि पश्चिमेकडील वाऱ्यांच्या प्रभावाखाली आहे, असे त्यांनी म्हटले आहे.

दरम्यान, केरळातून कोकणात दाखल झालेल्या मान्सूनचा वेग आता मंदावल्याचे दिसत आहे. कोकणानंतर मध्य महाराष्ट्र आणि उत्तर महाराष्ट्रात वेगाने पावसाला सुरुवात झाली असली तरी पश्चिम महाराष्ट्रातील काही जिल्हे व मराठवाड्यातील परभणी, जालना वगळता इतर जिल्ह्यांना पावसाची प्रतीक्षा कायम आहे. त्यामुळे आता हवामान विभागाने येत्या ५ दिवसांत वादळाची शक्यता वर्तविली असल्याने पाऊस पडेल अशी आशा आहे. ४, ५ दिवसांचे इशारे जवळपास सारखेच आहेत, असे हवामान विभागाने म्हटले आहे.

आजचे हवामान
ताज्या बातम्या
Scroll to Top
Close Bitnami banner
Bitnami