अयोध्या-तब्बल ४० प्रवाशांना घेऊन चाललेल्या भरधाव बसला सिमेंट पोत्याची वाहतुक करणाऱ्या ट्रकने धडक दिली. या भीषण अपघातात ७ जणांचा मृत्यू झाला, तर अनेकजण जखमी झाले. हा भीषण अपघातात उत्तर प्रदेशातील लखनऊ- गोरखपूर महामार्गावर काल शुक्रवारी रात्री उशिरा घडला.
या अपघातातील ट्रकची धडक इतकी भयंकर होती की ट्रक उलटून बसच्या वर पडला.त्यामुळे बसचा पुरता चक्काचूर झाला.या अपघाताची माहिती मिळताच पोलीस तत्काळ घटनास्थळी दाखल झाले. त्यांनी जखमींना तातडीने रुग्णालयात दाखल केले. तर ट्रक बाजूला काढून मृतदेह बाहेर काढण्यात आले.उत्तर प्रदेशचे मुख्यमंत्री योगी आदित्यनाथ यांनी अपघातातील लोकांच्या मृत्यूबद्दल शोक व्यक्त केला आहे. जखमींना तातडीने रुग्णालयात दाखल करून त्यांच्यावर योग्य उपचार करण्याचे निर्देशही मुख्यमंत्र्यांनी प्रशासनाला दिले आहेत.या घटनेनंतर एकच गोंधळ उडाला होता. बस आणि ट्रकखाली अनेक जण अडकले. क्रेनच्या सहाय्याने त्याला बाहेर काढण्यात आले.काहींचा जागीच मृत्यू झाला. प्रवासी बस लखनऊ येथून निघाली होती.ती वळणार असतानाच गोरखपूरहून येणाऱ्या ट्रकने बसला धडक दिली.
