पुणे – पुण्याचे माजी काँग्रेसचे नगरसेवक अविनाश बागवे यांना ३० लाख रुपये खंडणी न दिल्यास गोळ्या घालून ठार मारण्याची धमकी एका अज्ञात व्यक्तीने दिल्याचा धक्कादायक प्रकार समोर आला आहे. मागी काही दिवसांपासून राजकीय व्यक्तींना खंडणीसाठी धमकीचे फोन येत आहे. या धमकीच्या फोनमुळे राजकीय क्षेत्रात खळबळ उडाली आहे.
या संदर्भात अविनाश रमेश बागवे यांनी फिर्याद दिली आहे. पोलीस ठाण्यात गुन्हा दाखल करण्यात आला आहे. अविनाश बागवे यांना चार एप्रिल रोजी दुपारी तीन वाजता आणि सायंकाळी सहाच्या सुमारास एक व्हाट्सअप काॅलवरुन ३० लाख रुपये खंडणीची मागणी करण्यात आली आहे. पैसे न दिल्यास गोळ्या घालून ठार मारू तसेच राजकीय जीवन उध्वस्त करू असा मेसेजही पाठवण्यात आला होता. त्यानंतर बागवे यांनी समर्थ पोलीस ठाण्यात तक्रार दिली. या गुन्ह्याचा तपास गुन्हे शाखेच्या खंडणी विरोधी पथकाचे वरिष्ठ पोलिस निरीक्षक प्रताप मानकर यांच्याकडे सोपविण्यात आला आहे.
