लखनऊ – लखनऊ कोर्टाच्याबाहेर गोळीबाराची घटना घडली. वकिलाच्या वेशात आलेल्या हल्लेखोरांनी पोलिसांसमोरच कुख्यात गुंड संजीव जीवाची गोळ्या झाडून हत्या केली. संजीव जीवावर गोळ्या झाडल्यानंतर पळण्याच्या प्रयत्नात असणाऱ्या हल्लेखोरांना पोलिसांनी अटक केली. या गोळीबारात एका मुलीसह तीन जण जखमी झाले आहेत. संजीव जीवा हा भाजप नेते ब्रम्हदत्त दिवेदी यांच्या हत्या प्रकरणातला आरोपी होता. याशिवाय त्याच्यावर अनेक गुन्हांची नोंद होती. घटनेनंतर लखनऊ कोर्टाबाहेर कडेकोट पोलीस बंदोबस्त तैनात करण्यात आला आहे.