ग्वाल्हेर:
केंद्रीय विमान वाहतूक मंत्री ज्योतिरादित्य शिंदे यांना कोरोनाची लागण झाली आहे. शिंदे यांनी स्वतः याबाबत ट्विट करुन माहिती दिली आहे. संपर्कात आले आहेत, त्या सर्वांनी खबरदारी घ्यावी, असे आवाहन शिंदे यांनी केले आहे. शिंदे यांनी ट्विटमध्ये
म्हटले की, ‘डॉक्टरांच्या सल्ल्याने केलेल्या कोविड-19 च्या तपासणीत माझा रिपोर्ट पॉझिटिव्ह आला आहे. गेल्या काही दिवसात जे लोक माझ्या संपर्कात आले आहेत, त्या सर्वांनी खबरदारी घ्यावी. जवळच्या आरोग्य केंद्रात जाऊन स्वतःची चाचणी करुन घ्यावी’, अशी विनंती केली आहे.
ज्योतिरादित्य शिंदे यांचे पुत्र महाआर्यमन शिंदे यांना देखील 13 एप्रिल रोजी करोनाची लागण झाली आहे. त्यांना खोकला आणि सर्दीचा त्रास झाल्याने त्यांची कोरोना चाचणी करण्यात आली होती. त्यानंतर त्यांचा रिपोर्ट पॉझिटिव्ह आला होता. ज्योतिरादित्य शिंदे हे सध्या डॉक्टरांच्या सल्ल्याने विलगीकरणात आहेत. त्यानंतर डॉक्टरांच्या सल्ल्याने संपूर्ण कुटुंब करोना चाचणी करण्यात आली आहे.
