भोपाळ – मध्य प्रदेशमधील सिंगपूर रेल्वे स्थानकाजवळ बुधवारी सकाळी सातच्या सुमारास विरुद्ध दिशेने येणाऱ्या दोन मालगाड्या एकमेकांना धडकल्या. मालगाड्या एकमेकांवर आदळून इंजिनलाही आग लागली. या अपघातात एका लोको पायलटचा जागीच मृत्यू झाला, राजेश प्रसाद गुप्ता असे लोको पायलटचे नाव आहे. या अपघातात पाच जण जखमी झाले असून त्यांच्यावर रुग्णालयात उपचार सुरू आहेत.
मध्य प्रदेशमधील या भीषण रेल्वे अपघातामुळे रेल्वे वाहतूक विस्कळीत झाली. अपघातामुळे अनेक गाड्यांवर परिणाम झाला आहे. काही ट्रेन रद्द करण्यात आल्या तर काही ट्रेनचे मार्ग बदलले गेले.
