रत्नागिरी – हरतालिका पूजनकरिता जाहीर करण्यात आलेली सोमवार १८ सप्टेंबर रोजी जिल्ह्यातील स्थानिक सुट्टी रद्द करण्यात आली आहे. आता सुधारित १३ नोव्हेंबरला सोमवती अमावस्यानिमित्त स्थानिक सुट्टी जाहीर करण्यात आली आहे.जिल्हाधिकारी एम. देवेंदर सिंह यांनी याबाबतची अधिसूचना जाहीर केली आहे.
शासनाने अन्य सार्वजनीक सुट्ट्यांव्यतिरिक्त तीन सार्वजनीक सुट्या देण्याचा अधिकार जिल्हाधिकाऱ्यांना प्रदान केला आहे.या अधिकाराचा वापर करुन जिल्हाधिकारी सिंह यांनी २०२३ या वर्षासाठी जिल्हा महसूल हद्दीसाठी २८ फेब्रुवारी व ८ सप्टेंबरला अधिसूचना लागू करुन स्थानिक सुट्टयांचे दिवस म्हणून जाहीर करण्यात आले होते.२८ फेब्रुवारी २०२३ च्या अधिसूचनेमधील नमूद केलेली १८ सप्टेंबरला हरतालिका पूजन करिता जाहीर करण्यात आलेली स्थानिक सुट्टी रद्द करण्यात येत असून सुधारित १३ नोव्हेंबरला सोमवती अमावस्यानिमित्त स्थानिक सुट्टी जाहीर करण्यात येत असल्याचे म्हटले आहे.