रत्नागिरी : रत्नागिरी शहरातील परटवणे येथे मच्छि वाहतूक करणाऱ्या ट्रकने दुचाकीला धडक देऊन झालेल्या भीषण अपघातात तरुण दुचाकी चालकाचा जागीच मृत्यू झाला. या भीषण अपघातात ट्रकचे चाक दुचाकी चालकाच्या अंगावरून गेले. हा युवक साखरतर येथील असून, तो रत्नागिरीहून साखरतरला जात असताना, समोरासमोर दोन्ही वाहनांची धडक झाली.
या अपघातामुळे साखरतर येथील नागरिक आक्रमक झाले होते. त्वरित मृतदेह ताब्यात घेणार नसल्याचा पवित्र त्यांनी घेतला. त्यामुळे परिसरात तणावाचे वातावरण होते. पोलीस घटनास्थळी दाखल झाल्यानंतर अपघात स्थळावरील वातावरण शांत झाले.