मुंबई – महाराष्ट्राचे मुंबईतील राजभवन आता भाड्याने मिळायला सुरुवात झाली असून नवीन राज्यपाल बदलानंतर हा नवा पायंडा पाडण्यात आल्याचे समजले आहे. माजी राज्यपाल भगतसिंग कोशियारी यांनी राजभवनात कार्यक्रम घ्यायचा सपाटा लावल्यानंतर आता सध्याचे राज्यपाल रमेश बैस यांनी राजभवनात कार्यक्रम घ्यायचा असेल तर शुल्क निश्चित केले आहे. त्यानुसार दरबार हॉलसाठी 1लाख रुपये आणि इतर हॉल साठी 50,000 हे शुल्क निश्चित केले आहे. चहापाणी आणि नाश्त्याचा खर्च वेगळा आकरण्यात येत आहे.
शुल्कची रीतसर पावती दिली जात असली तरी आजपर्यंतच्या राजभवनच्या इतिहासात अशा प्रकारे शुल्क आकरण्याची ही पहिलीच वेळ आहे. मागील काळात राजभवनात कार्यक्रम घेणे म्हणजे सरकारच्या पैशानी कार्यक्रम करणे अशी पद्धत होती. कोरोना काळात इतर ठिकाणी कार्यक्रम होत नव्हते, मात्र राजभवनात कार्यक्रम घेणे शक्य होते, तुलनेने प्रतिष्ठेचे आणि स्वस्त होते, त्यात मुख्य पाहुणे राज्यपाल असल्याने त्याला खूप प्रतिष्ठा मिळत होती. त्मात्र अति कार्यक्रम झाल्याने राजभवनाचे महत्व कमी झाले होते, त्यामुळे राज्यपाल रमेश बैस यांनी आता शुल्क लागू केल्याचे कळते .