सॅन फ्रान्सिस्को
ट्विटर हे अ‍ॅप मोबाईल आणि डेस्कटॉप दोन्हीकडे वापरू शकतो. मात्र ट्विटर हे अ‍ॅप मोबाईलमध्ये सर्वात जास्त जागा व्यापते. यावर मस्क यांनी एक ट्विट करत ट्विटर वापरकर्त्यांची माफी मागितली. एलॉन मस्क आपल्या ट्विटमध्ये म्हणाले, ”सॉरी, ट्विटर मोबाईल अ‍ॅप खूप जागा घेत आहे.”
एलॉन मस्क यांनी गेल्या वर्षी ट्विटरची खरेदी केली आहे. मस्क हे आपल्या निर्णयांमुळे किंवा ट्विटमुळे कायमच चर्चेत असतात. दरम्यान, मोबाईल वापरत असताना अनेक अ‍ॅपचा वापर केला जातो. अनेक अ‍ॅप डाउनलोड करतो. ते अ‍ॅप आपल्या मोबाईलमधील स्टोरेज वापरत असतात. अनेकदा आपण वापरत असलेल्या अ‍ॅपमुळे आपल्या फोनचे स्टोरेज फुल होते. अतिरिक्त स्टोरेजसाठी पैसे मोजावे लागतात. मात्र मोबाईलमध्ये सगळ्यात जास्त स्टोरेज हे ट्विटर अ‍ॅप वापरते. त्यातील डेटा क्लिअर केला तरी देखील हे ट्विटर अ‍ॅप सर्वात जास्त जागा वापरते. त्यामुळे एलॉन मस्क यांनी एक ट्विट करत युजर्सची माफी मागितली आहे.
