तिन्ही रेल्वे मार्गांवर आज मेगाब्लॉक

मुंबई:

मुंबईतील तिन्ही मार्गांवर रेल्वेकडून उद्या मेगाब्लॉक घेण्यात येणार आहे. रुळांची दुरुस्ती, सिग्नल यंत्रणा आणि ओव्हर हेड वायर यांची देखभाल आणि दुरुस्तीच्या कामासाठी रेल्वेने मेगाब्लॉक घेतला आहे. हार्बर, सेन्ट्रल आणि वेस्टर्न मार्गावर मेगाब्लॉक घेण्यात येणार आहे. मध्य रेल्वेच्या माटुंगा ते ठाणे अप आणि डाऊन धीम्या मार्गावर, हार्बर मार्गावरील सीएसएमटी (छत्रपती शिवाजी महाराज टर्मिनस) ते चुनाभट्टी आणि वांद्रे अप आणि डाऊन मार्गावर, तसेच पश्चिम रेल्वेवर राम मंदिर ते बोरिवली अप आणि डाऊन मार्गावर मेगाब्लॉक घेण्यात येणार आहे.
माटुंगा ते ठाणे अप आणि डाऊन धीम्या मार्गावर सकाळी ११ .०५ ते दुपारी ३.५५ वाजेपर्यंत मेगाब्लॉक आहे. ब्लॉक कालावधीत सीएसटीहून सुटणाऱ्या लोकल माटुंगा ते ठाण्यातील मार्गावर वळवण्यात येणार आहेत. ठाणे येथून सुटणाऱ्या अप धीम्या मार्गावरील लोकल ठाणे-माटुंगा अप जलद मार्गावर वळवण्यात येणार आहेत.
हार्बर मार्गावरील सीएसएमटी ते चुनाभट्टी आणि वांद्रे अप आणि डाऊन मार्गावर सकाळी ११.१० ते दुपारी ४.४० वाजेपर्यंत मेगाब्लॉक घेण्यात येणार आहे. ब्लॉक कालावधीत सीएसएमटी-वडाळा ते वाशी, बेलापूर-पनवेल अप आणि डाऊन लोकल सेवा तसेच सीएसएमटी ते वांद्रे आणि गोरेगाव अप-डाऊन लोकल सेवा रद्द करण्यात आली आहे.
पश्चिम रेल्वेमार्गावरील बोरिवली ते राम मंदिर अप आणि डाऊन जलद मार्गावर सकाळी १० ते दुपारी ३ वाजेपर्यंत मेगाब्लॉक घेण्यात येणार आहे. मेगाब्लॉक घेण्यात आलेला असताना या मार्गावरील अनेक लोकल अंधेरी ते बोरिवली दरम्यान धीम्या मार्गावर वळवण्यात येणार आहे.

Leave a Comment

Your email address will not be published. Required fields are marked *

Scroll to Top