TVS Orbiter Electric Scooter: TVS Motor कंपनीने भारतीय बाजारपेठेत आपली नवीन इलेक्ट्रिक स्कूटर (TVS Orbiter Electric Scooter) Orbiter लाँच केली आहे. या नवीन मॉडेलची सुरुवातीची एक्स-शोरूम किंमत 99,900 रुपये आहे.
ही स्कूटर TVS च्या iQube लाईनअपमध्ये सामील झाली आहे, पण ती iQube पेक्षा स्वस्त आहे आणि भारतीय बाजारपेठेत Ather Rizta शी थेट स्पर्धा करेल.
TVS Orbiter ला iQube पेक्षा पूर्णपणे वेगळी डिझाइन देण्यात आली आहे. स्कूटर निऑन सनबर्स्ट, स्ट्रॅटोस ब्लू, लूनर ग्रे, स्टेलर सिल्व्हर, कॉस्मिक टायटॅनियम आणि मार्टियन कॉपर या 6 रंगात येते. यात हेडलाइट क्लस्टर वरच्या बाजूला आहे, तर डीआरएल समोरच्या एप्रनमध्ये बसवलेले आहे.
TVS Orbiter Electric Scooter: आकर्षक डिझाइन आणि वैशिष्ट्ये
या इलेक्ट्रिक स्कूटरमध्ये 845 मिमीची सपाट सीट डिझाइन आहे, ज्यामुळे बसण्याची स्थिती आरामदायक होते. तसेच, यात 169 मिमीचे ग्राउंड क्लिअरन्स आणि 14-इंचाचे व्हिल्स दिले आहेत. सोयीसाठी, यात 34 लीटरची अंडरसीट स्टोरेज आहे आणि 290 मिमीची सपाट फूटबोर्ड जागा दिली आहे.
वैशिष्ट्यांबद्दल बोलायचे झाल्यास, TVS Orbiter मध्ये मल्टी-कलर इन्स्ट्रुमेंट क्लस्टर आहे, जे आवश्यक माहिती दर्शवते. यात ब्लूटूथ कनेक्टिव्हिटी, टर्न-बाय-टर्न नेव्हिगेशन, चोरीची सूचना आणि ओटीए अपडेट्ससह अनेक वैशिष्ट्ये आहेत.
या व्यतिरिक्त यात क्रूझ कंट्रोल, रिव्हर्स पार्किंग आणि ऑटोमेटेड हिल होल्ड असिस्ट यांसारखी पहिल्यांदाच दिसणारी वैशिष्ट्ये देखील असल्याचा कंपनीचा दावा आहे.
TVS Orbiter Electric Scooter: रेंज आणि बॅटरी
TVS Orbiter मध्ये 3.1 kWh चा बॅटरी पॅक असून, एका चार्जमध्ये 158 किमीची रेंज देते. ही रेंज TVS iQube च्या सर्वात स्वस्त व्हर्जनपेक्षा जास्त आहे, ज्यात 2.2 kWh बॅटरी पॅकसह 94 किमीची रेंज मिळते. iQube च्या 3.1 kWh बॅटरी पॅक व्हर्जनची रेंज 123 किमी असून त्याची किंमत 1.08 लाख रुपये आहे.
ताज्या बातम्यांसाठी येथे क्लिक करून नवाकाळचे WhatsApp Channel फॉलो करा
हे देखील वाचा –
Maratha Reservation: ‘मराठा समाजाला ओबीसीमधून आरक्षण नाही’; देवेंद्र फडणवीसांनी स्पष्टच केले
Mohan Bhagwat: ‘प्रत्येक भारतीय कुटुंबात तीन मुले हवीत’, मोहन भागवत यांचे मोठे विधान
