Blue Aadhaar Card Update: आधार कार्ड हे सर्वात महत्त्वाच्या सरकारी कागदपत्रांपैकी एक आहे. अनेकदा लहान मुलांचे आधार कार्ड (Blue Aadhaar Card) काढताना अडचण येते. मात्र, भारतीय विशिष्ट ओळख प्राधिकरण म्हणजेच UIDAI ने नवजात बालकांसाठी ‘ब्लू आधार कार्ड’ (बाल आधार) काढण्याची प्रक्रिया खूपच सोपी केली आहे.
आता UIDAI चे अधिकारी स्वतः तुमच्या घरी येऊन तुमच्या मुलाचे आधार कार्ड तयार करतील. यामुळे पालकांची मोठी गैरसोय दूर झाली असून, त्यांना रांगेत उभे राहावे लागणार नाही.
बाल आधारची नोंदणी प्रक्रिया
तुम्हाला तुमच्या बाळासाठी आधार कार्ड काढायचे असल्यास, तुम्ही खालीलप्रमाणे ऑनलाइन अर्ज करू शकता:
स्टेप 1: सर्वात आधी UIDAI च्या अधिकृत वेबसाइटला भेट द्या.
स्टेप 2: ‘My Aadhaar’ टॅबवर जाऊन ‘Book an Appointment’ हा पर्याय निवडा.
स्टेप 3: तुमचे शहर आणि आधार सेवा केंद्र निवडा. त्यानंतर ‘New Aadhaar Enrolment for Child’ हा पर्याय निवडा.
स्टेप 4: तुमचा मोबाइल नंबर टाका आणि तुम्हाला OTP मिळेल. OTP टाकल्यानंतर तुमची अपॉइंटमेंट बुक होईल.
अपॉइंटमेंटच्या दिवशी, बाळाचे जन्म प्रमाणपत्र आणि आई किंवा वडिलांचे आधार कार्ड घेऊन आधार केंद्रावर जा. केंद्रावर पालकांचे बायोमेट्रिक ऑथेंटिकेशन केले जाते आणि मुलाचा फोटो काढला जातो. या प्रक्रियेत 5 वर्षांपेक्षा कमी वयाच्या मुलांचे बायोमेट्रिक घेतले जात नाही, फक्त फोटो घेतला जातो. बाळाचा आधार कार्ड पालकांच्या आधार कार्डसोबत जोडला जातो.
कार्डची डिलिव्हरी आणि अपडेट
ही प्रक्रिया पूर्ण झाल्यावर तुम्हाला एक स्लिप मिळेल. त्यानंतर, 60 ते 90 दिवसांच्या आत तुमच्या बाळाचे आधार कार्ड दिलेल्या पत्त्यावर पोहोचेल. मुलाचे वय 5 आणि 15 वर्ष झाल्यावर बायोमेट्रिक अपडेट करणे आवश्यक आहे, जेणेकरून आधार कार्ड पुढील काळातही वैध राहील.
ताज्या बातम्यांसाठी येथे क्लिक करून नवाकाळचे WhatsApp Channel फॉलो करा
हे देखील वाचा –
TikTok India: ‘टिकटॉक’ची भारतात नोकरभरती सुरू, कंपनीची पुन्हा एन्ट्री होणार की केवळ अफवा?
Gokul Milk Price: बाप्पा पावला! गोकुळ दूध संघाचा मोठा निर्णय; दुधाच्या खरेदी दरात वाढ
‘मराठा समाजाचे बांधव….’; मनोज जरांगेंच्या आंदोलनावर रितेश देशमुखची प्रतिक्रिया; म्हणाला…
