Heart Health Tips: आजकाल लोक कर्करोग आणि यकृत निकामी होण्यासारख्या जीवघेण्या आजारांसोबतच हृदयविकाराच्या समस्यांनी त्रस्त आहेत. हृदयविकार आज जगभरात मृत्यूचे एक मोठे कारण बनले आहे. हृदयविकाराचा झटका किंवा स्ट्रोक टाळणे कठीण आहे असे मानले जाते. मात्र, काही सोप्या टिप्स फॉलो करून तुम्ही निरोगी राहू शकतो.
1. पुरेशा झोपेला महत्त्व द्या
झोप केवळ विश्रांतीसाठी नव्हे, तर हृदयाच्या आरोग्यासाठीही आवश्यक आहे. जे लोक दररोज 6 तासांपेक्षा कमी झोपतात, त्यांना हृदयविकारांचा धोका जास्त असतो. शांत आणि गाढ झोपेमुळे रक्तदाब नियंत्रणात राहतो. त्यामुळे रोज किमान 8 तास झोपण्याचा प्रयत्न करा. तसेच, झोपण्यापूर्वी मोबाईल किंवा टीव्ही पाहणे टाळा.
2. रोज जेवणानंतर थोडे चाला
जेवणानंतर लगेच एका जागी बसण्याची चूक करू नका. त्याऐवजी, 10 ते 15 (Fifteen) मिनिटे चालण्याची सवय लावा. संशोधनानुसार, जेवणानंतर चालल्याने रक्तातील साखरेची पातळी नियंत्रणात राहते आणि हृदयावरील ताण कमी होतो.
3. नियमित आरोग्य तपासणी करा
अनेकदा हृदयविकार हळूहळू वाढतात आणि वेळेत त्यांचे निदान होत नाही. म्हणूनच रक्तातील साखर, कोलेस्ट्रॉल आणि रक्तदाबाची तपासणी वर्षातून 1 किंवा 2 वेळा नक्की करून घ्या. तुमच्या कुटुंबात कोणाला आधीपासून हृदयविकाराचा त्रास असल्यास, या चाचण्या करणे आवश्यक आहे. वेळेवर तपासणी केल्यास तुम्ही आवश्यक बदल करू शकता आणि मोठी समस्या टाळू शकता.
4. ओमेगा-3 असलेले अन्न खा
ओमेगा-3 फॅटी ॲसिड हृदयासाठी खूप फायदेशीर आहे. मात्र, गोळ्यांऐवजी ओमेगा-3 ने समृद्ध असलेले नैसर्गिक अन्न खाणे जास्त आरोग्यदायी असते. सॅल्मन, अक्रोड, अळशी किंवा चिया सीड्स यांचा तुमच्या साप्ताहिक आहारात नक्की समावेश करा.
5. प्लास्टिकऐवजी काच किंवा स्टीलच्या बाटल्या वापरा
प्लास्टिकच्या बाटल्या आणि डब्यांमध्ये असलेले बीपीए सारखे रसायने संप्रेरकांवर विपरीत परिणाम करतात आणि हृदयाच्या आरोग्यावर परिणाम करू शकतात. पाणी पिण्यासाठी काचेच्या किंवा स्टीलच्या बाटल्या वापरा आणि प्लास्टिकच्या भांड्यांमध्ये अन्न गरम करणे टाळा.
हे देखील वाचा – 300 कोटींची कमाई करणारा चित्रपट लवकरच OTT वर; या प्लॅटफॉर्मवर होणार रिलीज
