Smartphones Under 10000: जर तुम्ही कमी बजेटमध्ये एक चांगला 5G स्मार्टफोन खरेदी करण्याचा विचार करत असाल, तर ही बातमी तुमच्यासाठी अत्यंत उपयुक्त आहे. आता 10,000 रुपयांपेक्षा कमी किमतीतही तुम्हाला असे स्मार्टफोन मिळत आहेत, ज्यात अनेक चांगले फीचर्स मिळतात.
या सेगमेंटमध्ये यावर्षी लाँच (Launch) झालेल्या Redmi, Motorola, POCO, Samsung आणि Realme या कंपन्यांच्या सर्वोत्तम 5G फोन्सची माहिती खालीलप्रमाणे आहे.
Realme Narzo 80 Lite 5G
हा एक चांगला बजेट पर्याय आहे, जो बॅटरी बॅकअपवर लक्ष केंद्रित करतो. या फोनची किंमत Amazon वर 9,798 रुपये आहे. यात 6.67-इंच HD+ डिस्प्ले (120Hz रिफ्रेश रेट) आणि MediaTek Dimensity 6300 (6nm) चिपसेट वापरण्यात आला आहे. सर्वात महत्त्वाची गोष्ट म्हणजे या फोनमध्ये 6000mAh क्षमतेची मोठी बॅटरी देण्यात आली आहे, जी 15W चार्जिंगला सपोर्ट करते.
POCO M7 5G
पोकोचा हा देखील बजेट 5G सेगमेंटमध्ये एक नवा आणि चांगला पर्याय आहे. 6GB + 128GB वेरिएंटची किंमत Flipkart वर 8,499 रुपये आहे. यात 6.88-इंच HD+ डिस्प्ले (120Hz रिफ्रेश रेट) आणि Snapdragon 4 Gen 2 चिपसेट आहे. फोटोग्राफीसाठी 50MP मुख्य कॅमेरा आणि 8MP फ्रंट कॅमेरा मिळतो, तर बॅटरी 5160mAh क्षमतेची असून 18W फास्ट चार्जिंगला सपोर्ट करते.
Motorola G35 5G
Motorola G35 5G हा त्याच्या FHD+ 120Hz डिस्प्लेमुळे लक्ष वेधून घेतो. याची किंमत अंदाजे 8,999 रुपये आहे. यात 6.72-इंच FHD+ डिस्प्ले (2400×1080 पिक्सेल), 120Hz रिफ्रेश रेट आणि Gorilla Glass 3 प्रोटेक्शन मिळते. Unisoc T760 (6nm) प्रोसेसर असलेला हा फोन 12GB पर्यंतची रॅम आणि 50MP प्रायमरी कॅमेरा तसेच 16MP फ्रंट कॅमेरा सपोर्ट करतो. यात 5000mAh क्षमतेची बॅटरी देण्यात आली आहे.
Redmi 14C 5G
हा Redmi चा फोन 120Hz डिस्प्ले, 50MP कॅमेऱ्यासह येतो. हा फोन 8,999 रुपयांना खरेदीसाठी उपलब्ध आहे. यात 6.88-इंच डिस्प्ले (120Hz रिफ्रेश रेट) आणि Snapdragon 4 Gen 2 चिपसेट आहे. या फोनमध्ये 50MP कॅमेरा आणि 5,160mAh बॅटरी मिळते.
Samsung Galaxy F06 5G
हा सॅमसंगचा एक बजेट 5G स्मार्टफोन आहे, जो Entry-Level 5G अनुभवासाठी डिझाइन केलेला आहे. Flipkart वर हा फोन 7,499 रुपयांमध्ये उपलब्ध आहे. यात 6.7 इंच HD+ LCD डिस्प्ले (90Hz रिफ्रेश रेट), MediaTek Dimensity 6300 चिपसेट, 50MP मुख्य + 2MP डेप्थ सेन्सर आणि 8MP सेल्फी कॅमेरा मिळतो. या फोनमध्ये 5000mAh बॅटरी असून 25W फास्ट चार्जिंग सपोर्ट आहे.
हे देखील वाचा – Donald Trump Tariffs: ‘रशियाकडून तेल खरेदी सुरू ठेवल्यास…’; डोनाल्ड ट्रम्प यांचा भारताला पुन्हा थेट इशारा
