National Highways To Be Monitored By AI: प्रवाशांचा अनुभव सुधारण्यासाठी आणि राष्ट्रीय महामार्गांची स्थिती उत्तम ठेवण्यासाठी भारतीय राष्ट्रीय महामार्ग प्राधिकरणाने (NHAI) एक महत्त्वाचा निर्णय घेतला आहे. 23 राज्यांमधील 20,933 किलोमीटर लांबीच्या राष्ट्रीय महामार्ग पट्ट्यांसाठी ‘नेटवर्क सर्व्हे व्हेईकल्स’ (NSV) तैनात करण्याची घोषणा एनएचएआयने केली.
या NSV सर्वेक्षणातून जमा होणाऱ्या माहितीमुळे रस्त्यांच्या स्थितीतील त्रुटी समोर येतील आणि महामार्गाची चांगली देखभाल करण्यासाठी एनएचएआयला तातडीने सुधारणात्मक उपाययोजना करणे शक्य होईल.
माहितीचे विश्लेषण आणि वापर
NSV सर्वेक्षणाद्वारे गोळा केलेली माहिती एनएचएआयच्या (NHAI) एआय-आधारित (AI-based) ‘डेटा लेक’ नावाच्या पोर्टलवर अपलोड केली जाईल. या पोर्टलवर तज्ञांची एक समर्पित टीम माहितीचे विश्लेषण करेल, ज्यामुळे डेटाचे रूपांतरण ज्ञानामध्ये होईल आणि त्यानुसार कृती करण्यायोग्य माहिती प्राप्त होईल.
भारत सरकारच्या मार्गदर्शक तत्त्वांनुसार नियमित अंतराने गोळा केलेली ही माहिती भविष्यातील तांत्रिक गरजांसाठी ‘रोड ॲसेट मॅनेजमेंट सिस्टम’मध्ये जतन केली जाईल.
या उपक्रमांतर्गत 2, 4, 6 आणि 8 मार्गिका असलेल्या सर्व प्रकल्पांसाठी काम सुरू होण्यापूर्वी आणि त्यानंतर दर सहा महिन्यांच्या नियमित अंतराने NSV द्वारे माहिती गोळा केली जाईल.
या उपक्रमाची अंमलबजावणी करण्यासाठी एनएचएआयने (NHAI) पात्र कंपन्यांकडून निविदा (Bids) मागवल्या आहेत.
हे देखील वाचा – Vote Chori Allegation: ‘वोट चोरी’ प्रकरण! मतदारांची नावे हटवण्यासाठी प्रत्येक अर्जामागे 80 रुपये, SIT चा मोठा खुलासा
