Best Country To Visit: जर तुम्ही 2025 चा ख्रिसमस किंवा 2026 चे नवीन वर्ष साजरे करण्यासाठी आंतरराष्ट्रीय प्रवासाचा विचार करत असाल, तर तुम्ही आफ्रिकेतील झिम्बाब्वेचा विचार नक्कीच करू शकता. फोर्ब्स ऑस्ट्रेलियानेकायक या संस्थेच्या सहकार्याने जाहीर केलेल्या एका नवीन जागतिक क्रमवारी झिम्बाब्वेला 2025 मध्ये भेट देण्यासाठी जगातील सर्वोत्तम देश (Best Country To Visit) म्हणून घोषित करण्यात आले आहे.
या दक्षिण आफ्रिकी राष्ट्राने आपल्या नैसर्गिक सौंदर्यामुळे हा प्रथम क्रमांक पटकावला आहे. भव्य व्हिक्टोरिया फॉल्स (Victoria Falls) पासून ते समृद्ध वन्यजीव अभयारण्ये आणि पर्वतीय प्रदेशांपर्यंत, झिम्बाब्वेमधील निसर्गरम्यता पर्यटकांना मोहित करणारी आहे. ‘जॅकॅरंडा’ (Jacaranda) हंगामात येथील फुलांचे सौंदर्य अनुभवण्यासारखे असते.
पर्यटनाची प्रमुख आकर्षणे
- व्हिक्टोरिया फॉल्स: झिम्बाब्वेची ओळख असलेले व्हिक्टोरिया फॉल्स हे येथील सर्वात मोठे आकर्षण आहे.
- म्तारझी फॉल्स: ईस्टर्न हायलँड्समधील न्यंगा नॅशनल पार्कमध्ये असलेले हे धबधबे तब्बल 772 मीटर उंचीवरून खाली कोसळतात.
- गोनारेझोऊ नॅशनल पार्क: वन्यजीव प्रेमींसाठी हे ठिकाण खास आहे, कारण येथे ‘हिप्पोपोटॅमस’सारखे अनेक विदेशी वन्यजीव आढळतात.
- चिनोयी लेणी: या लेण्या त्यांच्या अनोख्या सौंदर्य आणि सांस्कृतिक महत्त्वामुळे पर्यटनाचे एक प्रमुख केंद्र बनल्या आहेत.
वन्यजीवनाचे अनुभव आणि निसर्गाची शांतता देणारा झिम्बाब्वे हा एक उत्तम पर्याय आहे. झिम्बाब्वेचा पर्यटन क्षेत्रातील विकास या भेटीच्या ठिकाणांमुळे वाढत आहे. तुम्ही देखील परदेशात जाण्याचा विचार करत असाल तर या देशाला नक्कीच भेट देऊ शकता.
