Baba Vanga Gold Prediction: सध्या जागतिक आर्थिक बाजारपेठेत अस्थिरता वाढत असताना, सोन्याची किंमत (Gold Price) एक महत्त्वपूर्ण सुरक्षित गुंतवणूक म्हणून पाहिली जात आहे. अलीकडेच, मल्टी कमोडिटी एक्सचेंज (MCX) वर सोन्याचा भाव प्रति 10 ग्रॅमसाठी 1 लाख रुपयांच्या पुढे पोहोचला आहे.
याच पार्श्वभूमीवर, जगातील सर्वात चर्चित भविष्यवेत्त्यांपैकी एक असलेल्या बाबा वेंगा यांच्या एका मोठ्या भाकितामुळे सोन्याच्या दराची चर्चा पुन्हा एकदा जोर धरू लागली आहे.
2026 मध्ये जागतिक संकटाचा अंदाज
बाबा वेंगा यांनी केलेल्या भविष्यवाण्यांच्या आधारे, तज्ज्ञांनी असा अंदाज वर्तवला आहे की 2026 पर्यंत जागतिक आर्थिक परिस्थिती अत्यंत अस्थिर होऊ शकते. बाबा वेंगा यांच्या अंदाजानुसार, जगभरात ‘कॅश क्रश’नम्हणून ओळखले जाणारे मोठे जागतिक वित्तीय संकट (Global Financial Crisis) येऊ शकते.
अशा संकटाच्या काळात चलन प्रणाली विस्कळीत होण्याची, बँकिंग क्षेत्रात संकट येण्याची आणि बाजारपेठांमध्ये तरलता कमी होण्याची भीती असते. ऐतिहासिक डेटा पाहता, अशा आर्थिक संकटांमध्ये गुंतवणूकदार आपली संपत्ती सुरक्षित ठेवण्यासाठी सोन्याकडे वळतात, ज्यामुळे सोन्याच्या मागणीत आणि किमतीत मोठी वाढ होते.
सोन्याच्या वाढत्या किमतींमागील तांत्रिक कारणे
सोन्याचे दर केवळ भविष्यवेत्त्यांच्या भाकितांमुळे वाढत नाहीत, तर त्यामागे जागतिक वित्तीय व्यवस्थेतील खोलवर झालेले बदल आहेत. अमेरिकेचे अध्यक्ष डोनाल्ड ट्रम्प यांनी लादलेले वाढीव आयात शुल्क, व्यापार युद्धाचा धोका आणि अनेक देशांमध्ये महागाई वाढवणारे भू-राजकीय तणाव ही वाढत्या किमतींमागील प्रमुख कारणे आहेत.
ट्रम्प यांनी चीनवर 100 टक्के शुल्क लावणे शक्य नाही, या त्यांच्या तात्पुरत्या वक्तव्यामुळे तणाव कमी झाला असला तरी, पुढील वर्षांमध्ये आर्थिक अस्थिरता कायम राहण्याची शक्यता विश्लेषकांनी वर्तवली आहे.
2026 साठी सोन्याच्या दराचा अंदाज
सोन्याचा भाव सध्या प्रति 10 ग्रॅमसाठी सुमारे 1,30,000 रुपयांच्या आसपास आहे. बाबा वेंगा यांच्या भाकितावर आधारित विश्लेषणातून, 2026 मध्ये मंदी आल्यास सोन्याच्या मूल्यात 25 टक्के ते 40 टक्क्यांपर्यंत वाढ होण्याचा अंदाज आहे. हे आकडे खरे ठरले, तर ऑक्टोबर किंवा नोव्हेंबर 2026 मध्ये दिवाळीच्या सुमारास 10 ग्रॅम सोन्याचा भाव 1,62,500 रुपये ते 1,82,000 रुपयांच्या दरम्यान असू शकतो.
सोन्यामध्ये गुंतवणूक करणे हे वित्तीय संकटाच्या काळात संपत्तीचे संरक्षण आणि स्थैर्य देणारे मानले जाते. आंतरराष्ट्रीय स्तरावर व्याजदरातील अनिश्चितता, राजकीय संघर्ष आणि जागतिक मंदीचा धोका यामुळे सोन्यामध्ये गुंतवणूक करणे हा आजही सुरक्षित पर्याय मानला जातो.
हे देखील वाचा – Defence Projects : भारतीय सशस्त्र दलांना मोठी ताकद; केंद्र सरकारकडून 79,000 कोटी रुपयांच्या खरेदी प्रस्तावांना मंजुरी
