Vivo Y19s 5G : Vivo कंपनीने आपला नवीन परवडणारा 5G स्मार्टफोन Vivo Y19s 5G बाजारात आणला आहे. हा स्मार्टफोन विशेषतः तरुणांना लक्षात घेऊन डिझाइन केला गेला आहे.
यात MediaTek Dimensity 6300 प्रोसेसरची ताकद आणि 6,000mAh ची मोठी बॅटरी देण्यात आली आहे. Vivo Y19s 5G ची किंमत आणि फीचर्स जाणून घेऊयात.
Vivo Y19s 5G: प्रमुख वैशिष्ट्ये
- डिस्प्ले: यात 6.74-इंच आकाराचा LCD डिस्प्ले आहे, जो 720×1,600 पिक्सल रिझोल्यूशन आणि 90Hz रिफ्रेश रेटला सपोर्ट करतो. स्क्रीनची पीक ब्राइटनेस 700 nits पर्यंत आहे.
- प्रोसेसर: हा फोन 6nm तंत्रज्ञानावर आधारित MediaTek Dimensity 6300 प्रोसेसरने सुसज्ज आहे.
- बॅटरी आणि चार्जिंग: यात 6,000mAh क्षमतेची दमदार बॅटरी असून ती 15W वायर्ड चार्जिंगला सपोर्ट करते. चार्जिंगसाठी USB Type-C पोर्ट देण्यात आला आहे.
- कॅमेरा सेटअप: मागील बाजूस ड्युअल कॅमेरा सेटअप आहे, ज्यात 13MP चा मुख्य सेन्सर आणि 0.8MP चा सेकंडरी लेन्स आहे. सेल्फी आणि व्हिडिओ कॉलिंगसाठी 5MP चा फ्रंट कॅमेरा मिळतो.
- स्टोरेज आणि रॅम: फोन 6GB पर्यंत LPDDR4X रॅम आणि 128GB पर्यंत इंटरनल स्टोरेजसह येतो. मायक्रोएसडी कार्ड वापरून स्टोरेज 2TB पर्यंत वाढवण्याची सोय आहे.
- सॉफ्टवेअर आणि कनेक्टिव्हिटी: हा स्मार्टफोन Android 15 वर आधारित FuntouchOS 15 वर काम करतो. 5G नेटवर्क, Bluetooth 5.4 आणि साइड-माउंटेड फिंगरप्रिंट स्कॅनर यांसारखे फीचर्स यात उपलब्ध आहेत.
Vivo Y19s 5G: किंमत आणि उपलब्धता
Vivo Y19s 5G स्मार्टफोन भारतात तीन स्टोरेज पर्यायांमध्ये लॉन्च झाला आहे. 4GB रॅम आणि 64GB स्टोरेज असलेल्या बेस मॉडेलची किंमत 10,999 रुपये आहे. 4GB रॅम आणि 128GB स्टोरेज असलेल्या व्हेरियंटसाठी 11,999 रुपये मोजावे लागतील, तर 6GB रॅम आणि 128GB स्टोरेज असलेल्या टॉप मॉडेलची किंमत 13,499 रुपये आहे.
ग्राहक हा फोन Majestic Green आणि Titanium Silver या आकर्षक रंगांच्या पर्यायांमध्ये खरेदी करू शकतात. हा डिव्हाइस Vivo च्या अधिकृत वेबसाइटवरून तसेच देशभरातील रिटेल स्टोअर्समधून विक्रीसाठी उपलब्ध आहे.
हे देखील वाचा – Prakash Surve: ‘मराठी माझी आई, उत्तर भारत मावशी..आई मेली तरी चालेल, पण…’; शिंदे गटाच्या आमदाराच्या विधानामुळे नवा वाद
