Royal Enfield Bullet 650 : Royal Enfield च्या चाहत्यांसाठी एक अत्यंत आनंदाची बातमी आहे. कंपनीने इटलीतील मिलान येथे आयोजित केलेल्या EICMA 2025 या जागतिक मोटारसायकल प्रदर्शनात आपली बहुप्रतिक्षित Bullet 650 ही मोटरसायकल अधिकृतपणे सादर केली आहे. Royal Enfield च्या 650cc पोर्टफोलिओमध्ये आता या नव्या, दमदार मॉडेलचा समावेश झाला आहे.
Canon Black आणि Battleship Blue या दोन आकर्षक रंगांच्या पर्यायांसह ही बाईक आंतरराष्ट्रीय बाजारपेठेत उपलब्ध होईल. 2026 च्या सुरुवातीला ही बाईक भारतात दाखल होण्याची शक्यता आहे.
भारतात या बाईकची अंदाजित एक्स-शोरूम किंमत 3.4 लाख ते 3.70 लाख रुपयांच्या दरम्यान असण्याची शक्यता आहे. कंपनी 21 नोव्हेंबर पासून गोव्यात सुरू होणाऱ्या Motoverse 2025 कार्यक्रमातही या बाईकचे प्रदर्शन करणार आहे.
Royal Enfield Bullet 650 : क्लासिक डिझाइन आणि शक्तिशाली इंजिन
Bullet 650 मध्ये Royal Enfield चा खास, क्लासिक लूक कायम ठेवण्यात आला आहे. यात हाताने रंगवलेल्या पिनस्ट्राइप्स, 3D विंग्ड बॅजेस, टियरड्रॉप इंधन टाकी यांसारखे आकर्षक घटक आहेत. तसेच, यात उंच हँडलबार्स आणि ताठ बसण्याची स्थिती (Upright Riding Position) मिळते.
इंजिन आणि ट्रान्समिशन: बाईकला Royal Enfield चे 648cc चे पॅरलल-ट्विन इंजिन मिळते. हे इंजिन 7250 rpm वर 46.4 bhp पॉवर आणि 5650 rpm वर 52.3 Nm टॉर्क निर्माण करते. यात 6-स्पीड गिअरबॉक्स आणि स्लिपर क्लच आहे.
फीचर्स आणि सुरक्षा: बाईकच्या डिझाइनला आधुनिकतेची जोड म्हणून यात कॅस्केट-माउंटेड LED हेडलाईट आणि टायगर-आय पायलट लाइट्स देण्यात आले आहेत.
इंस्ट्रूमेंट कन्सोल डिजी-अ‍ॅनालॉग LCD असून, ते इंधन पातळी, ट्रिप डेटा आणि गिअर इंडिकेटरची माहिती देते. सुरक्षेसाठी ड्युअल-चॅनल ABS सह 320mm फ्रंट आणि 300mm मागील डिस्क ब्रेक आहेत.
या बाईकची इंधन टाकी 14.8-लीटर क्षमतेची असून, 243 kg वजन आहे. याव्यतिरिक्त, सोयीसाठी USB Type-C चार्जिंग पोर्ट देखील यात देण्यात आले आहे. EICMA 2025 मध्ये Bullet 650 सोबत कंपनीने हिमालयान माना ब्लॅक एडिशन आणि Shotgun x रफ क्राफ्ट्स या दोन खास मॉडेल्सचेही अनावरण केले आहे.
हे देखील वाचा – महागडा iPhone मिळतोय स्वस्तात! थेट 19 हजारांची सूट; पाहा डिटेल्स
