Tata EV Discounts : भारतात इलेक्ट्रिक वाहनांची (Electric Vehicle) मागणी दिवसेंदिवस वाढत आहे. अशातच, या सेगमेंटमध्ये आघाडीवर असलेल्या टाटा मोटर्सने (Tata Motors) इलेक्ट्रिक कार्स खरेदी करणाऱ्या ग्राहकांसाठी नोव्हेंबर 2025 महिन्याकरिता मोठी सवलत जाहीर केली आहे.
कंपनीच्या लोकप्रिय Tiago EV, Punch EV, Nexon EV आणि अगदी नवीन Curvv EV या मॉडेल्सवर आकर्षक डिस्काउंट्स दिले जात आहेत.
या सवलतींमध्ये ग्रीन बोनस, एक्सचेंज ऑफर, स्क्रॅपेज फायदे (Scrappage Offer) आणि कॉर्पोरेट डिस्काउंट्सचा समावेश आहे. जुन्या टाटा कार वापरकर्त्यांना लॉयल्टी प्रोग्राम अंतर्गत अतिरिक्त लाभही मिळू शकतो.
1. Tata Tiago EV
टाटाची सर्वात परवडणारी आणि लोकप्रिय इलेक्ट्रिक हॅचबॅक Tiago EV वर सर्वाधिक 1 लाख रुपयांपर्यंतची सूट मिळत आहे.
- डिस्काउंट तपशील: यात 70,000 रुपयांपर्यंतचा ग्रीन बोनस आणि 30,000 रुपयांचा एक्सचेंज/स्क्रॅपेज ऑफर समाविष्ट आहे.
- किंमत आणि रेंज: Tiago EV ची किंमत 7.99 लाख रुपयांपासून 11.14 लाख रुपयांपर्यंत आहे. यात 19.2 kWh (221km रेंज) आणि 24 kWh (275km रेंज) बॅटरी पर्याय मिळतात.
2. Tata Curvv EV
टाटाची बाजारात नुकतीच आलेली इलेक्ट्रिक एसयूव्ही Curvv EV वर एकूण 1.30 लाख रुपयांपर्यंतची मोठी सवलत दिली जात आहे.
- डिस्काउंट तपशील: यात 1 लाख रुपयांचा ग्रीन बोनस आणि 30,000 रुपयांपर्यंतचा एक्सचेंज/स्क्रॅपेज ऑफर समाविष्ट आहे.
- किंमत आणि रेंज: Curvv EV ची एक्स-शोरूम किंमत 17.49 लाख रुपयांपासून 22.24 लाख रुपयांपर्यंत आहे. ही कार 45kWh (430km रेंज) आणि 55kWh (502km रेंज) बॅटरी पर्यायांमध्ये उपलब्ध आहे.
3. Tata Punch EV
टाटाची लोकप्रिय कॉम्पॅक्ट इलेक्ट्रिक एसयूव्ही Punch EV वरही 1 लाख रुपयांपर्यंतची सवलत उपलब्ध आहे.
- डिस्काउंट तपशील: यात 60,000 रुपयांपर्यंतचा ग्रीन बोनस आणि 40,000 रुपयांपर्यंतचा एक्सचेंज/स्क्रॅपेज ऑफर समाविष्ट आहे.
- किंमत आणि रेंज: Punch EV ची किंमत 9.99 लाख रुपयांपासून 14.44 लाख रुपयांपर्यंत आहे. यात 25kWh (210km रेंज) आणि 35kWh (290km रेंज) बॅटरी पर्याय मिळतात.
4. Tata Nexon EV
- टाटाच्या इलेक्ट्रिक सेगमेंटमधील लोकप्रिय कार Nexon EV वर केवळ 30,000 रुपयांपर्यंतचा एक्सचेंज किंवा स्क्रॅपेज ऑफर समाविष्ट आहे, जो सर्वात कमी आहे.
- किंमत आणि रेंज: Nexon EV ची किंमत 12.49 लाख रुपयांपासून 17.49 लाख रुपयांपर्यंत आहे. यात 30kWh (275km रेंज) आणि 45kWh (489km रेंज) बॅटरी पर्याय मिळतात.
हे देखील वाचा – किंमत फक्त 15 हजार रुपयांपासून! लाँच झाला Moto चा शानदार 5G स्मार्टफोन; मिळेल 7000mAh बॅटरी
