OnePlus 15 Details : OnePlus (वनप्लस) कंपनीने त्यांचा नवीन फ्लॅगशिप स्मार्टफोन OnePlus 15 भारतीय ग्राहकांसाठी लॉन्च केला आहे. Qualcomm (क्वालकॉम) च्या नवीन आणि सर्वात शक्तिशाली प्रोसेसरसह आलेला हा फोन प्रोफेशनल-ग्रेड कॅमेरा आणि इतर अनेक अत्याधुनिक फीचर्समुळे लक्ष वेधून घेत आहे.
OnePlus 15 ची किंमत आणि ऑफर
OnePlus 15 भारतात दोन वेगवेगळ्या रॅम आणि स्टोरेज पर्यायांमध्ये उपलब्ध आहे. यावेळी 1TB स्टोरेजचा पर्याय कंपनीने दिलेला नाही.
12GB रॅम + 256GB स्टोरेज: 72,999 रुपये
16GB रॅम + 512GB स्टोरेज: 79,999 रुपये
उपलब्धता: HDFC बँक क्रेडिट कार्ड वापरून खरेदी केल्यास ग्राहकांना 4,000 रुपये रुपयांचा त्वरित डिस्काउंट दिला जाईल. हा फोन Infinite Black, Sand Storm आणि Ultra Violet (अल्ट्रा व्हायलेट) या आकर्षक रंगांमध्ये उपलब्ध असून, त्याची विक्री Amazon.in, OnePlus.in आणि Croma (क्रोमा) सारख्या प्रमुख रिटेल स्टोअर्सवर सुरू झाली आहे.
विशेष म्हणजे, प्रत्येक खरेदीवर 2,299 रुपये रुपये किमतीचे OnePlus Nord Buds 3 इअरबड्स मोफत मिळतील.
OnePlus 15 ची दमदार वैशिष्ट्ये
बॅटरी आणि चार्जिंग: फोनची सर्वात मोठी खासियत म्हणजे यात 7300mAh क्षमतेची प्रचंड मोठी बॅटरी देण्यात आली आहे. याला 120W SUPERVOOC वायर्ड फास्ट-चार्जिंग आणि 50W AIRVOOC वायरलेस फास्ट-चार्जिंगचा सपोर्ट आहे.
डिस्प्ले : यात 1.5K AMOLED LTPO पॅनल आहे, जो 165Hz च्या अल्ट्रा-स्मूथ रिफ्रेश रेटला सपोर्ट करतो. 1800nits च्या पीक ब्राइटनेसमुळे कडक उन्हातही डिस्प्ले स्पष्ट दिसतो. हा डिस्प्ले TUV Rheinland Intelligent Eye Care 5.0 सर्टिफाइड आहे.
कॅमेरा क्षमता: OnePlus 15 मध्ये मागील बाजूस ट्रिपल 50MP कॅमेरा सेटअप आहे. यात 50MP मुख्य कॅमेरा, 50MP अल्ट्रा-वाइड सेन्सर आणि 50MP टेलीफोटो सेन्सर (जो 3.5x ऑप्टिकल झूम आणि 7x हाय-क्वालिटी लॉसलेस झूम देतो) समाविष्ट आहेत. DetailMax Engine चा वापर करून, हे कॅमेरा सिस्टम 26MP पर्यंत फोटो आउटपुट देऊ शकते.
व्हिडिओ रेकॉर्डिंग: व्हिडिओसाठी खास बनवलेला हा फोन Android मध्ये उपलब्ध असलेला एकमेव 4K 120fps Dolby Vision रेकॉर्डिंगला सपोर्ट करतो. तसेच, लॉग (LOG) सपोर्ट आणि रिअल-टाईम LUT प्रीव्ह्यूची सुविधा उपलब्ध आहे.
ऑपरेटिंग सिस्टम: हा फोन Android 16 वर आधारित OxygenOS 16 सह येतो. यात 16GB पर्यंत LPDDR5X RAM (रॅम) दिलेली आहे.
हे देखील वाचा – Delhi Blast : दिल्लीतील स्फोटानंतर मोठी कारवाई; अल-फलाह विद्यापीठाची सदस्यता रद्द
