itel A90 Limited Edition : कमी किमतीत उत्तम फीचर्स आणि जास्त स्टोरेज हवा असलेल्या ग्राहकांसाठी itel (आयटेल) कंपनीने नवीन स्मार्टफोन लाँच केला आहे. itel ने आपला लोकप्रिय स्मार्टफोन A90 Limited Edition 128GB इंटरनल स्टोरेजसह भारतीय बाजारपेठेत सादर केला आहे.
A90 सिरीजमधील हे नवीन मॉडेल जास्त वापर करणाऱ्या आणि दीर्घकाळ चालणारी बॅटरी लाईफ हवी असलेल्या ग्राहकांसाठी खास आणले गेले आहे.
itel A90 Limited Edition ची किंमत आणि ऑफर
itel A90 Limited Edition (128GB) ची एक्स-शोरूम किंमत भारतात 7,299 रुपये निश्चित करण्यात आली आहे. हा स्मार्टफोन देशभरातील रिटेल स्टोअर्सवर खरेदीसाठी उपलब्ध आहे. कंपनी या स्मार्टफोनच्या खरेदीवर 100 दिवसांच्या आत एकदा मोफत स्क्रीन रिप्लेसमेंटची सुविधा देत आहे. हा फोन Space Titanium, Starlit Black आणि Aurora Blue अशा तीन आकर्षक रंगांमध्ये उपलब्ध आहे.
itel A90 Limited Edition चे फीचर्स
itel च्या ‘3P प्रॉमिस’ सह हा फोन येतो, म्हणजे हा फोन धूळ, पाणी आणि खाली पडल्यास सुरक्षित राहण्याचे संरक्षण देतो. A90 ला IP54 रेटेड संरक्षण मिळाले आहे, ज्यामुळे तो पावसाच्या हलक्या थेंबांपासून आणि धुळीपासून सुरक्षित राहतो. विशेष म्हणजे, हा फोन MIL-STD-810H मिलिटरी-ग्रेड प्रमाणपत्रासह देखील येतो.
स्टोरेज आणि प्रोसेसर: या फोनमध्ये 128GB स्टोरेज आणि T7100 ऑक्टा-कोर प्रोसेसर देण्यात आला आहे. यात 12GB रॅम (4GB फिजिकल + 8GB व्हर्च्युअल) मिळते, ज्यामुळे मल्टीटास्किंग सहज होते. हा स्मार्टफोन Android 14 (Go Edition) वर काम करतो.
डिस्प्ले आणि ऑडिओ: A90 Limited Edition मध्ये 6.6 इंचचा HD+ डिस्प्ले आहे, जो 90Hz रिफ्रेश रेटला सपोर्ट करतो. यात ऑलवेज-ऑन-डिस्प्ले आणि डायनॅमिक बार हे फीचर्स आहेत, ज्यामुळे फोन अनलॉक न करताही नोटिफिकेशन्स आणि बॅटरी स्टेटस पाहता येतात. चांगल्या ऑडिओ अनुभवासाठी यात डीटीएस तंत्रज्ञान वापरले आहे.
कॅमेरा आणि बॅटरी: या फोनमध्ये मागील बाजूस 13MP चा कॅमेरा आणि समोर 8MP चा सेल्फी कॅमेरा आहे. यात 5000mAh क्षमतेची मोठी बॅटरी असून ती 10W चार्जरसोबत येते.
हे देखील वाचा – तब्बल 70kmpl मायलेज! Hero Splendor Plus ला टक्कर देते ‘ही’ बाईक, किंमत 70 हजार रुपयांपासून सुरू
