Eating Curd At Night : दही हे कॅल्शियम आणि चांगल्या बॅक्टेरियांचा एक उत्तम स्रोत आहे, ज्यामुळे ते आरोग्यासाठी खूप फायदेशीर ठरते. पण आयुर्वेदात दही खाण्याच्या वेळेला मोठे महत्त्व दिले आहे. जर तुम्ही रात्रीच्या वेळी दही खाल्ले तर ते तुमच्या शरीराला फायद्याऐवजी नुकसान पोहोचवू शकते.
रात्री दही खाणे का टाळावे आणि त्यामुळे तुमच्या शरीरावर कोणते नकारात्मक परिणाम होऊ शकतात, याची माहिती खालीलप्रमाणे आहे.
रात्री दही खाण्याचे प्रमुख दुष्परिणाम
1. पचनशक्ती होते मंद: आरोग्य क्षेत्रातील जाणकारांच्या मते, रात्रीच्या वेळी आपल्या शरीराची पचन प्रक्रिया मंद होते. अशा वेळी दही खाल्ल्यास ते पचायला खूप जड जाते. यामुळे पचनसंस्थेवर ताण येतो. परिणामी, तुम्हाला अपचन, गॅस किंवा ॲसिडिटीसारख्या पोटाच्या समस्यांचा त्रास होण्याची शक्यता वाढते. त्यामुळे पोट शांत ठेवण्यासाठी रात्री दही खाणे टाळावे.
2. सांध्यांशी संबंधित त्रास: आयुर्वेदानुसार रात्रीच्या वेळी दही खाल्ल्याने शरीरात कफ दोष वाढतो. वाढलेल्या कफामुळे सांध्यामध्ये दुखणे किंवा सांध्यांमध्ये जकडण निर्माण होत नाही, तर सांध्यांमध्ये सूज आणि आखडल्यासारखे वाटणे यांसारख्या समस्या देखील वाढू शकतात. त्यामुळे सांध्यांशी संबंधित त्रास असणाऱ्या व्यक्तींनी रात्री दही खाणे कटाक्षाने टाळावे.
3. सर्दी आणि कफ वाढतो: रात्री दही खाल्ल्यास सर्दी, खोकला किंवा शरीरात कफ निर्माण होण्याची समस्या वाढू शकते. जर तुम्हाला आधीपासूनच सायनसचा त्रास असेल, तर रात्री दही खाण्याची चूक तुमच्यासाठी अधिक त्रासदायक ठरू शकते. त्यामुळे श्वसनसंस्थेशी संबंधित आजार असलेल्या लोकांनी विशेष काळजी घ्यावी.
टीप: या लेखात दिलेली माहिती केवळ सामान्य ज्ञानासाठी आहे. तुमच्या आहारात कोणताही मोठा बदल करण्यापूर्वी किंवा आरोग्याच्या समस्येवर उपाय करण्यापूर्वी डॉक्टरांचा किंवा आहारतज्ज्ञांचा सल्ला नक्की घ्या.
