BSBD Account Rules : रिझर्व्ह बँक ऑफ इंडियाने (RBI) बेसिक सेव्हिंग्ज बँक डिपॉझिट (BSBD) खात्यांसाठी नवीन नियम जाहीर केले आहेत. ही खाती सामान्यतः शून्य-शिलकी खाती म्हणून ओळखली जातात आणि लहान बचत करणाऱ्या तसेच कमी उत्पन्न असलेल्या लोकांसाठी ती तयार केली गेली आहेत.
या नवीन बदलांमुळे या खात्यांमध्ये अधिक सुविधा आणि सुलभ प्रवेश मिळणार असून, लहान बचत असलेल्या ग्राहकांनाही मोठ्या खात्यांसारख्या सोयी उपलब्ध होणार आहेत.
BSBD खातेधारकांना 1 एप्रिल 2026 पासून खालील 5 प्रमुख सुविधा अनिवार्यपणे मिळतील:
1. अमर्याद जमा
आता BSBD खात्यांमध्ये कितीही रक्कम जमा करण्यावर कोणतीही मर्यादा राहणार नाही. खातेधारक त्यांना हव्या तितक्या वेळा पैसे जमा करू शकतात.
2. मोफत एटीएम आणि चेकबुक
- एटीएम/डेबिट कार्ड: एटीएम किंवा डेबिट कार्ड वापरण्यासाठी कोणतेही शुल्क किंवा नूतनीकरण शुल्क लागणार नाही.
- चेकबुक: खातेधारकांना वर्षाला किमान 25 पानांची चेकबुक मोफत मिळेल.
3. डिजिटल व्यवहारांना मुभा
सर्वात मोठी दिलासादायक बाब म्हणजे UPI, IMPS, NEFT, RTGS (डिजिटल पेमेंट) सारख्या ऑनलाइन व्यवहारांना आता ‘रोख रक्कम काढणे’ मानले जाणार नाही. याचा अर्थ ग्राहक महिन्याच्या मर्यादेशिवाय हवे तितके ऑनलाइन व्यवहार करू शकतात.
4. मोफत पैसे काढण्याची सुविधा
प्रत्येक महिन्यात ATM किंवा इंटर-बँक ATM मधून मिळून किमान चार वेळा रोख रक्कम मोफत काढता येईल.
5. अत्यावश्यक सेवा
इंटरनेट आणि मोबाईल बँकिंगची सुविधा देणे आता बँकांना अनिवार्य असेल. तसेच पासबुक किंवा मासिक स्टेटमेंटपैकी कोणताही एक पर्याय ग्राहकांना उपलब्ध करून द्यावा लागेल.
नियम कधीपासून लागू?
हे सर्व नवीन बदल 1 एप्रिल 2026 पासून लागू होतील. , रिझर्व्ह बँकेने बँकांना हे नवीन धोरण त्यापूर्वीही लागू करण्याची परवानगी दिली आहे.
RBI चा हा निर्णय लहान बचत खातेधारकांना अधिक ताकद आणि सुविधा देणारा आहे. आता BSBD खाती केवळ मूलभूत न राहता, डिजिटल आणि प्रत्यक्ष अशा दोन्ही प्रकारच्या सुविधांनी सुसज्ज असतील.
