T20 World Cup 2026: टी२० विश्वचषकाचा थरार 7 फेब्रुवारीपासून! भारत-श्रीलंकेत रंगणार 54 सामने; पाहा पूर्ण वेळापत्रक

T20 World Cup 2026 Full Schedule: क्रिकेट विश्वातील सर्वात मोठी स्पर्धा म्हणजेच आयसीसी टी२० विश्वचषक २०२६ चे अधिकृत वेळापत्रक जाहीर झाले आहे. ७ फेब्रुवारीपासून भारत आणि श्रीलंकेच्या संयुक्त यजमानपदाखाली या स्पर्धेला सुरुवात होईल. एकूण १० व्या आवृत्तीत २० संघ सहभागी होणार असून १ महिन्याच्या कालावधीत ५४ सामने खेळवले जातील.

सुरक्षेच्या कारणास्तव भारतात येण्यास नकार दिल्याने बांगलादेशला स्पर्धेतून वगळण्यात आले असून त्यांच्या जागी स्कॉटलंडला संधी मिळाली आहे.

गट विभागणी (Groups)

• गट A: भारत, पाकिस्तान, अमेरिका, नेदरलँड, नामिबिया.
• गट B: ऑस्ट्रेलिया, श्रीलंका, आयर्लंड, झिम्बाब्वे, ओमान.
• गट C: इंग्लंड, वेस्ट इंडीज, नेपाळ, स्कॉटलंड, इटली.
• गट D: दक्षिण आफ्रिका, न्यूझीलंड, अफगाणिस्तान, संयुक्त अरब अमिराती, कॅनडा.

स्पर्धेचे स्वरूप (Format)

स्पर्धेची विभागणी तीन टप्प्यांत करण्यात आली आहे. सुरुवातीला ‘गट फेरी’ होईल, जिथून प्रत्येक गटातील अव्वल 2 संघ ‘सुपर 8’ मध्ये जातील. त्यानंतर ४-४ संघांचे दोन गट केले जातील. सुपर 8 मधील सर्वोत्तम दोन संघ उपांत्य फेरीत प्रवेश करतील. ८ मार्च रोजी स्पर्धेचा महाअंतिम सामना पार पडेल.

टी२० विश्वचषक २०२६: संपूर्ण वेळापत्रक (गट फेरी)

बाद फेरी (Knockouts)

• 21 फेब्रुवारीपासून सुपर-8 चे सामने सुरु होतील.
• पहिली उपांत्य फेरी: ४ मार्च (कोलंबो किंवा कोलकाता)
• दुसरी उपांत्य फेरी: ५ मार्च (मुंबई) – जर भारत पात्र झाला तर हा सामना वानखेडेवर होईल.
• महाअंतिम सामना: ८ मार्च (अहमदाबाद किंवा कोलंबो)