Best CNG SUV: भारतीय ऑटोमोबाईल मार्केटमध्ये सध्या सीएनजी कारची क्रेझ मोठ्या प्रमाणात वाढली आहे. पेट्रोलच्या वाढत्या किमतींमुळे मध्यमवर्गीय ग्राहक आता मायलेज देणाऱ्या आणि देखभालीचा खर्च कमी असलेल्या सीएनजी एसयूव्हीला पसंती देत आहेत. जर तुम्हीही कुटुंबासाठी बजेटमध्ये बसणारी आणि फिचर्सने सज्ज असलेली गाडी शोधत असाल, तर ‘या’ ३ गाड्या तुमच्यासाठी सर्वोत्तम ठरतील.
1. टाटा पंच सीएनजी (Tata Punch CNG)
टाटा पंच ही सध्या देशातील सर्वात स्वस्त सीएनजी एसयूव्ही आहे. या गाडीची एक्स-शोरूम किंमत 6.70 लाख रुपयांपासून सुरू होते.
- इंजिन आणि मायलेज: यात 1.2 लिटरचे इंजिन असून ते 74 hp पॉवर देते. ही गाडी प्रति किलो 26.99 किमीपर्यंत मायलेज देते.
- खास वैशिष्ट्ये: टाटाच्या ट्विन-सिलेंडर तंत्रज्ञानामुळे या गाडीत डिकीची जागा (बूट स्पेस) कमी होत नाही. सुरक्षिततेच्या बाबतीत याला 5-स्टार रेटिंग मिळाले असून यात 6 एअरबॅग्ज, सनरुफ आणि 360 डिग्री कॅमेरा यांसारखे फीचर्स आहेत.
2. ह्युंदाई एक्स्टर सीएनजी (Hyundai Exter CNG)
ह्युंदाई एक्स्टर ही टाटा पंचला थेट टक्कर देणारी गाडी आहे. याची सुरुवातीची किंमत 6.87 लाख रुपये आहे.
- परफॉर्मन्स: यात 1.2 लिटरचे इंजिन असून सीएनजी मोडवर ते 69 hp पॉवर जनरेट करते. ही गाडी 27.1 किमी प्रति किलो मायलेज देते.
- फीचर्स: या एसयूव्हीमध्ये 8-इंच टचस्क्रीन, वायरलेस चार्जिंग, व्हॉइस कमांड आणि हिल असिस्ट सारखे आधुनिक फीचर्स आहेत. ड्युअल सिलिंडर पर्यायामुळे यातही सामानासाठी चांगली जागा मिळते.
3. मारुती सुझुकी फ्रँक्स सीएनजी (Maruti Fronx CNG)
जर तुम्हाला जास्त मायलेज हवे असेल, तर मारुती फ्रँक्स हा एक उत्तम पर्याय आहे. याची किंमत 7.79 लाख रुपयांपासून सुरू होते.
- सर्वोत्तम मायलेज: ही गाडी आपल्या सेगमेंटमध्ये सर्वात जास्त म्हणजे 28.51 किमी प्रति किलो मायलेज देते. याचे इंजिन 76.43 hp ची पॉवर देते.
- सुविधा: यामध्ये 9-इंच इन्फोटेनमेंट सिस्टम, ऑटोमॅटिक क्लायमेट कंट्रोल आणि 6 एअरबॅग्ज मिळतात. या गाडीचा लूक अतिशय स्टायलिश आणि प्रीमियम आहे.
