PM Kisan Yojana 21st Installment: पंतप्रधान किसान सन्मान निधी (PM Kisan Samman Nidhi Yojana) या योजनेअंतर्गत केंद्र सरकार दर चार महिन्यांनी पात्र शेतकऱ्यांना 2,000 रुपयांची आर्थिक मदत पुरवते. म्हणजेच, या योजनेद्वारे पात्र शेतकऱ्यांच्या बँक खात्यात दरवर्षी 6,000 रुपये जमा होतात. सरकारने आतापर्यंत या योजनेचे 20 हप्ते शेतकऱ्यांना वितरित केले आहेत आणि आता ऑक्टोबर महिन्यात 21 वा हप्ता जारी करण्याची तयारी सुरू आहे.
PM किसान योजनेचा 21 वा हप्ता कधी येणार?
21 व्या हप्त्यांतर्गत शेतकऱ्यांना 2,000 रुपये दिले जातील. सरकारने 21 वा हप्ता जारी करण्याची कोणतीही अधिकृत तारीख जाहीर केलेली नाही. मात्र, दिवाळीच्या अगदी आधी हा हप्ता जारी होण्याची शक्यता आहे.
लाभार्थी यादीत नाव ऑनलाईन कसे तपासावे?
पीएम किसान योजनेच्या लाभार्थींची यादी अधिकृत वेबसाइटवर तपासता येते. यासाठी खालील प्रक्रिया वापरा:
- तुमच्या मोबाईल किंवा लॅपटॉपवर pmkisan.gov.in ही अधिकृत वेबसाइट उघडा.
- Farmers Corner या पर्यायावर टॅप करा आणि त्यानंतर Beneficiary Status वर क्लिक करा.
- येथे तुमचा आधार क्रमांक (Aadhaar Number) किंवा खाते क्रमांक (Account Number) प्रविष्ट करा.
- Submit बटण दाबल्यानंतर तुम्हाला आतापर्यंत किती पेमेंट मिळाले आहे आणि तुम्हाला या योजनेचा लाभ मिळणार आहे की नाही, याची संपूर्ण माहिती मिळेल.
PM किसान खात्यात मोबाईल नंबर कसा अपडेट करावा?
तुम्हाला तुमचा मोबाईल नंबर अपडेट करायचा असल्यास, तुम्ही अधिकृत वेबसाइट pmkisan.gov.in चा वापर करू शकता:
- वेबसाइटवर Farmers Corner पर्यायावर जा.
- येथे तुम्हाला Update Mobile Number यावर क्लिक करावे लागेल.
- या ठिकाणी तुम्हाला तुमच्या आधार कार्डाचे तपशील प्रविष्ट करावे लागतील.
- OTP व्हेरिफाय केल्यानंतर, तुम्ही तुमचा नवीन मोबाईल नंबर अपडेट करू शकता.
हे देखील वाचा – Shivajirao Kardile : भाजप आमदार शिवाजीराव कर्डिले यांचे अल्पशा आजाराने निधन
