Airbus : एअरबसच्या ए-320 श्रेणीतील विमानांवर सौर किरणांचा परिणाम होऊन विमानात तांत्रिक दोष निर्माण होण्याचा गंभीर धोका निर्माण झाला आहे. यामुळे या विमानांचे सॉफ्टवेअर आणि हॉर्डवेअर अपडेट करावे लागणार आहे. त्यासाठी ही विमाने कंपनीने परत बोलावली असून, या विमानांची जगभरात 6 हजार उड्डाणे रद्द करण्यात आली आहेत. भारतातही 300 उड्डाणे पुढील दोन-तीन दिवस रद्द करण्यात आली आहेत. एअर इंडिया आणि इंडिगो यांना याचा मोठा फटका बसला आहे.
या विमानांना सौर किरणोत्सारापासून धोका निर्माण झाला आहे. किरणोत्सारामुळे विमानातील उड्डाण नियंत्रण प्रणालीमध्ये बिघाड होऊन सिस्टम एरर निर्माण होऊ शकतो. यामुळे मोठा अपघात होण्याची शक्यता असल्याने कंपनीने या सर्व विमानांची उड्डाणे तूर्त स्थगित करण्याचे आवाहन केले आहे.
एअर इंडियाच्या वतीने सांगण्यात आले की, कंपनीने आपल्या ताफ्यातील सुमारे 40 टक्के विमानांत सुधारणा केली आहे. त्यामुळे विमानसेवेवर फारसा परिणाम होणार नाही. मात्र अनेक विमाने रद्द झाली असून, विमान कंपन्यांनी प्रवाशांना संदेश पाठवले आहेत की, आपण विमान प्रवासासाठी विमानतळावर येण्यापूर्वी आपल्या विमानाचे उड्डाण होणार की, नाही याची खात्री करून घ्यावी. सुट्टीच्या काळात ऐन डिसेंबर महिन्यात उड्डाणे रद्द झाल्याने मोठा गोंधळ उडाला आहे.
——————————————————————————————————————————————————
हे देखील वाचा – कपिल शर्माच्या कॅनडा रेस्टॉरंट गोळीबार प्रकरणी दिल्लीत एकाला अटक
स्टिंग ऑपरेशन नीलेश राणेना महागात पडले; पोलीस ठाण्यात त्यांच्यावरच गुन्हा दाखल
