Bengal Rape : पश्चिम बंगालमधील (Bengal) दुर्गापूर (Durgapur) येथे १० ऑक्टोबर रोजी संध्याकाळी २३ वर्षीय वैद्यकीय विद्यार्थिनीवर (Medical Student) तिच्या कॉलेज कॅम्पसजवळ सामूहिक बलात्कार झाला. या प्रकरणात सोमवारी पाचव्या संशयिताला (Suspect)अटक करण्यात आली, असे पोलिसांनी सांगितले.
पाचवा संशयित, ज्याची ओळख शेख सफीकुल अशी आहे, त्याला रविवारी रात्री अटक करण्यात आली. शेख नसिरुद्दीनसह शेख सफीकुल यालाही दुर्गापूर न्यायालयात हजर करण्यात आले आणि दोघांनाही १० दिवसांची पोलिस कोठडी सुनावण्यात आली. इतर तीन संशयिताणा रविवारी न्यायालयाने पोलिस कोठडीत पाठवले.
स्थानिक गावांमध्ये राहणारे हे पाचही जण भारतीय न्याय संहिता (बीएनएस) च्या कलम ७० (१) (सामूहिक बलात्कार) आणि ३(५) (सामान्य हेतूने केलेला गुन्हा) अंतर्गत रिमांड याचिकेत आरोप लावण्यात आले होते, ज्याची प्रत एचटीने पाहिली होती.
“आतापर्यंत, आम्हाला पाचही संशयितांपैकी कोणत्याही संशयितांचा गुन्हेगारी पार्श्वभूमी असल्याचा कोणताही पुरावा सापडलेला नाही, एका पोलीस अधिकाऱ्याने नाव जाहीर न करण्याच्या अटीवर सांगितलं की, वैद्यकीय तपासणी अहवाल येईपर्यंत याबाबत नक्की काही सांगता येणार नाही.
“विद्यार्थिनीने तिच्या तक्रारीत कोणाचेही नाव सांगितले नाही. फोन कॉल रेकॉर्ड आणि परिस्थितीजन्य पुराव्यांच्या आधारे अटक करण्यात आली,” असे ते पुढे म्हणाले. पीडितेच्या वर्गमित्राची पोलिसांकडून अजूनही चौकशी सुरू आहे, ज्याच्यासोबत ती १० ऑक्टोबर रोजी संध्याकाळी ढाब्यावर जेवण्यासाठी कॅम्पसमधून बाहेर पडली होती.
आसनसोल-दुर्गापूर पोलिस आयुक्तालयातील अधिकाऱ्यांनी एचटीला सांगितले की पीडिता, तिच्या मैत्रिणीने, वैद्यकीय नोंदी आणि अटक केलेल्या संशयितांनी दिलेल्या जबाबात अनेक विरोधाभास दिसून आले आहेत.
“डॉक्टरांना दिलेल्या तिच्या सुरुवातीच्या जबाबात विद्यार्थिनीने सांगितले की तीन जण होते आणि त्यापैकी फक्त एकानेच गुन्हा केला आहे. आमच्याकडे ते रेकॉर्ड तसेच वैद्यकीय अहवाल आहेत. तथापि, तिने नंतर पोलिसांना सांगितले की पाच जणांनी तिला जंगलात ओढून नेले आणि तिच्यावर सामूहिक बलात्कार केला,” असे एका वरिष्ठ पोलिस अधिकाऱ्याने नाव न सांगण्याची विनंती करताना सांगितले.
पीडितेच्या वडिलांनी पोलिस तक्रार दाखल केली होती, ज्यात त्यांनी पाच अज्ञात व्यक्तींसह त्यांच्या मुलीच्या मैत्रिणीचे नाव संशयित म्हणून ठेवले होते. हा गुन्हा रात्री ८ नंतर घडल्याचा आरोप आहे आणि पीडितेच्या वडिलांनी माध्यमांसमोर दावा केला की त्यांच्या मुलीच्या वर्गमित्रांनी त्यांना रात्री ९.३० च्या सुमारास फोन केला.
“महिलेने सांगितले की सामूहिक बलात्कारानंतर गुन्हेगारांनी तिच्या मैत्रिणीला तिच्या फोनवरून फोन केला.रविवारी अटक केलेल्या संशयितांपैकी एकाकडून फोन जप्त करण्यात आला,” असे देखील पोलिसांनी सांगितले.
पुढे पोलिस सांगतात कॉलेज अधिकाऱ्यांनी आम्हाला सुरक्षा कॅमेरा फुटेज दिले ज्यामध्ये ती तिच्या मैत्रिणीसोबत कॅम्पसमध्ये परत येत असल्याचे दिसून आले. आम्ही त्याचा अभ्यास केला. तिचे कपडे शाबूत दिसत होते आणि ती शांतपणे चालत होती. कॉलेजचे सुरक्षा कर्मचारी गेटवर ड्युटीवर होते. तिने त्यांची मदत घेतली नाही,” असे देखील त्यांनी सांगितले. “संशयितांनी आरोप नाकारले आहेत. ही चौकशी सोपी होणार नाही,” असे देखील पोलीस अधिकाऱ्यांनी सांगितले. या तपासाचे पर्यवेक्षण करणारे पोलिस उपायुक्त अभिषेक गुप्ता यांनी या निष्कर्षांवर भाष्य करण्यास नकार दिला. पीडितेच्या वडिलांनी माध्यमांना सांगितले की ते त्यांच्या मुलीला बंगालमध्ये ठेवणार नाहीत. “ही जागा सुरक्षित नाही. मी तिला घरी घेऊन जाईन,” असे त्यांनी माध्यमांना सांगितले.
हे देखील वाचा –
Monkey Viral Video : प्रयागराजमध्ये माकडांचा धुमाकूळ;माकडाने उडवल्या ५०० रुपयांच्या नोटा..
