5 Indians kidnapped in Mali : पश्चिम आफ्रिकेत हिंसाचाराच्या विळख्यात सापडलेल्या माली (Mali) देशातून 5 भारतीय नागरिकांचे अपहरण (Kidnapping) झाल्याची माहिती समोर आली आहे. अल-कायदा (al-Qaida) आणि ISIS (आयएसआयएस) शी संबंधित दहशतवादी (Terrorist) गटांच्या वाढत्या कारवायांमुळे हा देश सध्या मोठ्या अस्थिरतेचा सामना करत आहे.
रिपोर्टनुसार, पश्चिम मालीतील कोब्री (Kobri) भागाजवळ काही सशस्त्र हल्लेखोरांनी या भारतीयांचे अपहरण केले. अपहरण झालेले हे 5 नागरिक एका कंपनीसाठी काम करत होते, जी स्थानिक विद्युतीकरण (Electrification) प्रकल्पांवर कार्यरत आहे.
अपहरणानंतर कंपनीच्या प्रतिनिधीने उर्वरित सर्व भारतीय कर्मचाऱ्यांना मालीची राजधानी बामाको येथे सुरक्षितपणे हलवल्याची पुष्टी केली आहे.
“आम्ही 5 भारतीय नागरिकांच्या अपहरणाची माहिती निश्चित करत आहोत. कंपनीसाठी काम करणाऱ्या इतर भारतीयांना राजधानी बामाको येथे सुरक्षित हलवण्यात आले आहे,” असे कंपनीच्या प्रतिनिधीने सांगितले.
मालीतील अस्थिरता आणि JNIM दहशतवादी गट
माली देश 2012 पासून अस्थिरता आणि जिहादी (Jihadist) हल्ल्यांच्या मालिकेला तोंड देत आहे. वारंवार झालेले सत्तापालट आणि अतिरेकी कारवायांनी येथील सरकारी यंत्रणा कमकुवत केली आहे.
- दहशतवादाचा विस्तार: अल-कायदाशी संबंधित ग्रुप फॉर द सपोर्ट ऑफ इस्लाम अँड मुस्लिम्स (JNIM) या गटाने नुकताच इंधनाचा साठा रोखून देशाला गंभीर आर्थिक संकटात ढकलले आहे. JNIM ने आपला प्रभाव उत्तरेकडील मालीपासून शेजारील बुर्किना फासो (Burkina Faso) आणि नायजर (Niger) पर्यंत वाढवला आहे.
- अपहरणाचे मोठे उदाहरण: मालीमध्ये विदेशी नागरिकांचे अपहरण होणे ही मोठी समस्या आहे. याच वर्षी सप्टेंबरमध्ये JNIM च्या अतिरेक्यांनी 2 अमीराती नागरिक आणि 1 इराणी नागरिकाचे बामाकोजवळ अपहरण केले होते. त्यांना जवळपास 50 दशलक्ष अमेरिकन डॉलर्सची खंडणी दिल्यानंतर गेल्या आठवड्यात सोडण्यात आले होते.
मालीचे लष्करी शासक) असिमी गोइता यांनी दहशतवाद मोडून काढण्याची शपथ घेतली होती. मात्र, त्यांनी फ्रान्स आणि अमेरिका सोबतचे संरक्षण संबंध तोडून रशियाशी जवळीक साधल्याने फारसा फरक पडलेला नाही. JNIM चा राजधानी बामाको कडे होणारा संभाव्य हल्ला अनेक मालियन लोकांसाठी चिंतेचा विषय बनला आहे.
हे देखील वाचा – भारताच्या विजयानंतर ICC चा मोठा निर्णय! पुढील महिला विश्वचषकाच्या फॉरमॅटमध्ये केला मोठा बदल
