Mass Shooting During Football Match : मेक्सिकोमध्ये सुरू असलेल्या एका फुटबॉल सामन्यादरम्यान अचानक अंदाधुंद गोळीबार झाल्याची धक्कादायक घटना समोर आली आहे. या भीषण गोळीबारात एकूण अकरा जणांचा मृत्यू झाला असून, बारा जण गंभीर जखमी झाले आहेत. ही दुर्दैवी घटना मेक्सिकोच्या गुआनाजुआतो राज्यातील सलामांका शहरात घडली.
सामना सुरू असतानाच अचानक गोळीबाराचा आवाज येऊ लागल्याने मैदानावर आणि प्रेक्षकांमध्ये प्रचंड गोंधळ उडाला. जीव वाचवण्यासाठी खेळाडू, अधिकारी आणि प्रेक्षक सैरावैरा पळू लागले. काही क्षणांतच आनंदाचे वातावरण भीती आणि दहशतीत रूपांतरित झाले.
गोळीबारात जखमी झालेल्या व्यक्तींना तातडीने जवळच्या रुग्णालयात दाखल करण्यात आले असून, त्यांच्यावर उपचार सुरू आहेत. अधिकच्या माहितीनुसार, अनेक जखमींची प्रकृती गंभीर असल्याने मृतांचा आकडा वाढण्याची भीती व्यक्त केली जात आहे.
या घटनेनंतर पोलिसांनी तात्काळ घटनास्थळी धाव घेत परिसर सील केला असून, गोळीबार करणाऱ्यांचा शोध घेण्यासाठी तपास सुरू केला आहे. या हल्ल्यामागील कारणे आणि हल्लेखोरांची ओळख पटवण्यासाठी पोलिसांकडून सखोल चौकशी करण्यात येत आहे.
पोलिसांकडून प्राप्त झालेल्या माहितीनुसार, एका फुटबॉल सामन्याचा समारोप झाल्यानंतर लगेचच बंदूकधारिंनी अचानक अंदाधुंद गोळीबार करण्यास सुरुवात केली. ही घटना घडताच संपूर्ण परिसरात एकच खळबळ उडाली. या भीषण गोळीबारात घटनास्थळीच दहा जणांचा मृत्यू झाला असून, गंभीर जखमी अवस्थेत उपचारासाठी दाखल करण्यात आलेल्या आणखी एका व्यक्तीचा रुग्णालयात उपचारादरम्यान मृत्यू झाला. त्यामुळे या घटनेतील मृतांचा एकूण आकडा अकरावर पोहोचला आहे.
या गोळीबारात एकूण बारा जण गंभीर जखमी झाले असून, त्यांच्यावर सध्या रुग्णालयात उपचार सुरू आहेत. जखमींमधील अनेकांची प्रकृती चिंताजनक असल्याची माहिती समोर आली आहे. घटनेनंतर तातडीने पोलिसांनी घटनास्थळी धाव घेत परिसराला वेढा घातला आणि परिस्थिती नियंत्रणात आणण्याचे प्रयत्न सुरू केले.
या घटनेने संपूर्ण शहरात भीतीचे वातावरण निर्माण झाले असून, नागरिकांमध्ये तीव्र संताप व्यक्त केला जात आहे. पोलिसांकडून हल्लेखोरांचा शोध घेण्यासाठी व्यापक तपास सुरू असून, या गोळीबारामागील नेमका हेतू काय होता, याचा शोध घेतला जात आहे.
सलामांका शहराचे महापौर सेझर प्रीटो यांनी या भीषण गोळीबाराच्या घटनेनंतर सोशल मीडियावरून तीव्र प्रतिक्रिया व्यक्त केली आहे. त्यांनी आपल्या पोस्टमध्ये नमूद केले की, या घटनेत जखमी झालेल्यांमध्ये एका महिलेचा तसेच एका अल्पवयीन मुलाचा समावेश आहे. ही बाब अत्यंत चिंताजनक असून, या अमानवी हिंसाचाराचा त्यांनी तीव्र शब्दांत निषेध केला आहे.
महापौर प्रीटो यांनी सांगितले की, या घटनेमुळे संपूर्ण शहर दुःखात बुडाले असून नागरिकांमध्ये भीतीचे वातावरण निर्माण झाले आहे. सलामांका शहराने यापूर्वीही अशा कठीण परिस्थितीचा सामना केला असून, मात्र हा हल्ला शहराच्या सुरक्षिततेवर मोठा आघात असल्याचे त्यांनी स्पष्ट केले.
शहरातील वाढत्या हिंसाचारावर नियंत्रण मिळवण्यासाठी त्यांनी मेक्सिकोच्या राष्ट्रपती क्लॉडिया शीनबॉम यांच्याकडे तातडीने मदतीचे आवाहन केले आहे. काही गुन्हेगारी गट प्रशासनावर व सुरक्षायंत्रणांवर नियंत्रण मिळवण्याचा प्रयत्न करत असल्याचा आरोपही त्यांनी केला. मात्र, अशा शक्तींना यश मिळणार नाही, असा ठाम विश्वास त्यांनी व्यक्त केला आहे. दरम्यान, या गोळीबाराच्या घटनेची चौकशी पोलिसांनी सुरू केली असून, दोषींना पकडण्यासाठी व्यापक तपास मोहीम राबवली जात आहे.
दरम्यान, ग्वानाजुआटो राज्य गेल्या वर्षभरात मेक्सिकोमधील सर्वाधिक हिंसाचारग्रस्त भागांपैकी एक ठरले असून, येथे देशातील सर्वाधिक हत्या झाल्याची नोंद झाली आहे. या राज्यात दीर्घकाळापासून स्थानिक गुन्हेगारी टोळी ‘सांता रोसा डी लिमा’ आणि शक्तिशाली ‘जलिस्को न्यू जनरेशन कार्टेल’ यांच्यात वर्चस्वासाठी तीव्र आणि हिंसक संघर्ष सुरू आहेत. या संघर्षांचा थेट परिणाम सामान्य नागरिकांच्या सुरक्षिततेवर होत असून, कायदा व सुव्यवस्थेची परिस्थिती अधिकच गुंतागुंतीची बनली आहे.
या पार्श्वभूमीवर मेक्सिकन सरकारने दिलेल्या अधिकृत माहितीनुसार, सन २०२५ मध्ये देशभरातील हत्यांचे प्रमाण तुलनेने घटले आहे. सरकारच्या आकडेवारीनुसार, २०१६ नंतर प्रथमच देशातील हत्या दर सर्वात कमी पातळीवर आला असून, दर एक लाख लोकसंख्येमागे सरासरी १७.५ हत्या नोंदवण्यात आल्या आहेत. ही घट सरकारच्या सुरक्षाविषयक उपाययोजनांचे सकारात्मक फलित असल्याचे प्रशासनाकडून सांगण्यात येत आहे. तथापि, ग्वानाजुआटो सारख्या काही राज्यांमध्ये सुरू असलेले टोळीसंघर्ष आणि संघटित गुन्हेगारी अजूनही मोठे आव्हान ठरत असून, या भागांमध्ये शांतता प्रस्थापित करण्यासाठी अधिक कठोर आणि प्रभावी उपाययोजनांची गरज असल्याचे देखील बोलले जात आहे.
हे देखील वाचा – LR-AShM Missile: शत्रूच्या युद्धनौका आता सुरक्षित नाहीत! DRDO ने बनवले 1500 किमी पल्ल्याचे आधुनिक क्षेपणास्त्र
