Top Phone 2025 : फोन म्हटलं कि आज कालची पिढी त्या फोनची पार्शवभूमी त्यातील नवीन फीचर्स जाणून घेण्यासाठी कायमच उत्सुक असल्याचे दिसून येते; आणि त्यात जर त्या कॅमेराच्या सेल्फी कॅमेरा किंवा बॅक कॅमेराची वेळ आली तर त्यांच्यातील हा उत्साह अगदी ओसंडून वाहतो. या वर्षात अनेक कंपन्यांनी असे फोन बाजारात आणले, ज्यांच्या फ्रंट कॅमेऱ्याने चक्क ओरिजिनल अश्या डीएसएलआरच्या स्तराची फोटोग्राफी करण्याचा अनुभव दिला आहे. मोठे सेन्सर, ॲडव्हान्स एआय प्रोसेसिंग आणि हाय रिझोल्यूशन लेन्सच्या मदतीने सेल्फी तंत्रज्ञान आता पूर्वीपेक्षा कितीतरी पटीने शक्तिशाली आणि प्रगत झाल्याचे लक्षात येते. आणि जर, तुम्ही सुद्धा खऱ्या अर्थाने प्रीमियम सेल्फी फोन खरेदी करण्याचा विचार करत असाल, तर २०२५ मध्ये लाँच झालेल्या ‘या’ टॉप ५ मॉडेल्समधील एकाची निवड नक्की करू शकता.
१. आयफोन १७ प्रो मॅक्स
या वर्षातील सर्वात पॉवरफुल अश्या सेल्फी कॅमेरा फोनमध्ये पहिले नाव या आयफोन १७ प्रो मॅक्सचे येते. यात १८ मेगापिक्सेलचा अपग्रेडेड ट्रू डेप्थ कॅमेरा देण्यात आला आहे, जो अत्यंत शार्प आणि नैसर्गिक सेल्फी क्लिक करण्यात मदत करतो. तर, बॅक कॅमेरा ४८ मेगापिक्सेलचा ट्रिपल कॅमेरा सेटअप आणि ४एक्स ऑप्टिकल झूम मिळतो. ‘ए १९ प्रो’ चिपसेटमुळे या फोनचा परफॉर्मेंस खूपच स्मूद असल्याचे निर्दशात आले आहे. ४८२३mAh बॅटरी आणि २५W वायरलेस चार्जिंगसह हा फोन एक प्रीमियम फ्लॅगशिप ठरला असल्याची माहिती आहे.
२. गुगल पिक्सेल १० प्रो
गुगलचा पिक्सेल १० प्रो हा फोन त्याच्या दमदार कम्प्युटेशनल फोटोग्राफीसाठी नेहमीच फोटोग्राफी प्रेमींचा आतापर्यंत आवडीचा राहिला आहे. यात ४२ मेगापिक्सेलचा सेल्फी कॅमेरा आणि गुगलची स्किन टोन ऑप्टिमायझेशन टेक्नॉलॉजी देखील वापरली गेली आहे, ज्यामुळे फोटो खूप रियलिस्टिक आणि डिटेल्ससह पाहायला मिळतात. ३३०० निट्सची पीक ब्राइटनेस असलेला LTPO OLED डिस्प्ले देखील याला प्रीमियम ऑल-राऊंडर बनवतो.
३. ओप्पो फाइंड एक्स ९ प्रो
ओप्पो फाइंड एक्स ९ प्रोमध्ये दिलेला कॅमेरा सेल्फीच्या क्वालिटीत कोणत्याही प्रकारची तडजोड करत नाही. यामध्ये ५० मेगापिक्सेलचा अल्ट्रा-हाय क्वालिटी सेल्फी कॅमेरा आहे, जो क्रिस्टल-क्लियर आउटपुट देण्यास मदत करतो. मागचा २०० मेगापिक्सेलचा रियर कॅमेरा सेटअप प्रो-फोटोग्राफीसाठी उत्तम कार्य करतो. डायमेनसीटी ९५०० चिपसेट आणि मोठी ७५००mAh बॅटरी याला एक पॉवरफुल फोन बनवण्यास मदत करते.
४. सॅमसंग गॅलेक्सी एस २५ अल्ट्रा
सॅमसंग गॅलेक्सी एस २५ अल्ट्रा सेल्फी प्रेमींची पहिली पसंती मानली जाते. यातील १२ मेगापिक्सेलचा फ्रंट कॅमेरा नंबरमध्ये कमी वाटला तरी, एआय एन्हांसमेंट आणि नाईट मोडमुळे उत्कृष्ट आउटपुट देखील देतो. मागचा २०० मेगापिक्सेलचा सुपर शार्प सेन्सर आणि स्नॅपड्रॅगन ८ एलिट प्रोसेसरमुळे हा परफॉर्मेंसच्या बाबतीतही शक्तिशाली मानला जातो. ६.९-इंचचा डायनामिक एमोलेड २ एक्स डिस्प्ले व्हिडीओ आणि कंटेंट क्रिएशनसाठी देखील दमदार आहे.
५. व्हिवो एक्स ३०० प्रो
व्हिवो एक्स ३०० प्रो. या फोनने २०२५ वर्षाच्या टॉप सेल्फी लिस्टमध्ये आपले स्थान अढळ केले आहे. ५० मेगापिक्सेलचा फ्रंट कॅमेरा आणि Zeiss ऑप्टिक्सच्या मदतीने हा फोन अल्ट्रा-प्रोफेशनल सेल्फी आउटपुट देण्यास मदत करतो. यात २०० मेगापिक्सेल सेन्सर असलेला रियर सेटअप आणि डायमेनसीटी ९५०० प्रोसेसर देखील देण्यात आला आहे, ज्यामुळे हा एक उत्कृष्ट फोटोग्राफी फोन मानला जातो.
