IPL 2026 Schedule: 28 मार्चपासून सुरू होणार आयपीएलचा थरार; पहिला सामना कोणत्या संघांमध्ये?

IPL 2026 Schedule: आयपीएलच्या १९ व्या हंगामाचे वेळापत्रक बीसीसीआयने जाहीर केले आहे. सध्या देशातील काही राज्यात होणाऱ्या विधानसभा निवडणुकांमुळे, मंडळाने पहिल्या टप्प्यातील २८ मार्च ते १२ एप्रिल २०२६ या कालावधीतील सामन्यांची घोषणा केली आहे. उर्वरित सामन्यांचे वेळापत्रक निवडणुकांच्या तारखांनंतर जाहीर केले जाईल.

या हंगामाची सुरुवात २८ मार्च रोजी बंगळुरूमध्ये होत असून, गतविजेता रॉयल चॅलेंजर्स बंगळुरू आणि सनरायझर्स हैदराबाद यांच्यात पहिला सामना रंगणार आहे. या पहिल्या टप्प्यात एकूण १० शहरांत २० सामने खेळवले जाणार आहेत.

आयपीएल २०२६: पहिल्या टप्प्यातील २० सामन्यांचे सविस्तर वेळापत्रक

महत्त्वाच्या काही गोष्टी:

• डबल-हेडर सामने: ४ एप्रिल, ५ एप्रिल आणि ११ एप्रिल रोजी एकाच दिवशी दोन सामने (डबल-हेडर) खेळवले जातील.
• घरची मैदाने: काही संघ दोन वेगवेगळ्या शहरांत त्यांचे घरचे सामने खेळणार आहेत. उदा. आरसीबीचे ५ सामने बंगळुरूमध्ये आणि २ सामने रायपूरमध्ये होणार आहेत. त्याचप्रमाणे, राजस्थान रॉयल्स ३ सामने गुवाहाटीत आणि ४ सामने जयपूरमध्ये खेळणार आहे.

चाहत्यांना आता या क्रिकेट महोत्सवाचा आनंद घेण्यासाठी सज्ज व्हावे लागणार आहे.