IPL 2026 Tickets: आयपीएलच्या 19 व्या हंगामाची उत्सुकता शिगेला पोहोचली असतानाच, मुंबई इंडियन्सच्या चाहत्यांसाठी एक आनंदाची बातमी समोर आली आहे. मुंबई इंडियन्सच्या घरच्या मैदानावर म्हणजेच ऐतिहासिक वानखेडे स्टेडियमवर होणाऱ्या सामन्यांसाठी तिकीट विक्रीची घोषणा करण्यात आली आहे.
विशेष म्हणजे, सर्वसामान्यांनाही स्टेडियममध्ये जाऊन सामन्याचा आनंद घेता यावा यासाठी तिकिटांची सुरुवातीची किंमत केवळ 499 रुपये ठेवण्यात आली आहे.
मुंबई इंडियन्सचा पहिला सामना कधी?
आयपीएल 2026 चा अधिकृत प्रारंभ 28 मार्च रोजी रॉयल चॅलेंजर्स बंगळुरू आणि सनरायझर्स हैदराबाद यांच्यातील सामन्याने होणार आहे. मात्र, मुंबई इंडियन्स आपला पहिला सामना 29 मार्च 2026 रोजी कोलकाता नाईट रायडर्सविरुद्ध खेळणार आहे. हा सामना मुंबईच्या घरच्या मैदानावर रंगणार असल्याने चाहत्यांमध्ये मोठी क्रेझ पाहायला मिळत आहे.
तिकिटांचे दर आणि श्रेणी
चाहत्यांच्या खिशाचा विचार करून तिकिटांचे दर वेगवेगळ्या श्रेणींमध्ये विभागले आहेत:
- सर्वात स्वस्त तिकीट: 499 रुपये
- इतर श्रेणी: 2,800 रुपये, 4,500 रुपये, 5,500 रुपये, 5,900 रुपये आणि 6,500 रुपये.
- व्हीआयपी तिकीट: 11,500 रुपये.
तिकीट बुकिंगचे टप्पे आणि तारीख
तिकिटांची विक्री विविध टप्प्यांत केली जाणार आहे, जेणेकरून जास्तीत जास्त चाहत्यांना संधी मिळेल:
- दुसरा टप्पा: 21 मार्च आणि 22 मार्च रोजी दुपारी 3:00 वाजल्यापासून.
- तिसरा टप्पा: 22 मार्च आणि 23 मार्च रोजी संध्याकाळी 5:00 वाजल्यापासून.
499 रुपयांच्या तिकिटांना मोठी मागणी असल्याने, चाहत्यांनी वेळेपूर्वीच लॉग-इन करणे फायदेशीर ठरेल.
बुकिंग कशी करावी?
मुंबई इंडियन्सच्या सामन्यांची तिकीट विक्री अधिकृतपणे BookMyShow या प्लॅटफॉर्मवर केली जात आहे. ऑनलाईन पद्धतीने तुम्ही तुमचे तिकीट आरक्षित करू शकता. मर्यादित जागा असल्यामुळे तिकीट विक्री सुरू होताच काही मिनिटांतच ‘हाऊसफुल्ल’ची पाटी लागण्याची शक्यता आहे.
