India Vs Australia Schedule: मागील सहा महिन्यांपासून आंतरराष्ट्रीय क्रिकेटपासून दूर असलेल्या रोहित शर्मा (Rohit Sharma) आणि विराट कोहली (Virat Kohli) यांच्या पुनरागमनाची प्रतीक्षा लवकरच संपणार आहे. भारतीय क्रिकेट नियामक मंडळाने (BCCI) ऑस्ट्रेलियाविरुद्धच्या आगामी व्हाईट बॉल सीरिजसाठी संघाची घोषणा केली आहे.
या घोषणेनुसार, रोहित आणि विराट दोघेही एकदिवसीय (ODI) मालिकेसाठी संघात परतले आहेत, पण नेतृत्वाची धुरा युवा फलंदाज शुभमन गिल याच्याकडे सोपवण्यात आली आहे.
रोहित आणि विराटने या वर्षाच्या सुरुवातीला कसोटी क्रिकेटमधून तर, 2024 च्या टी-20 विश्वचषकानंतर टी-20 क्रिकेटमधून निवृत्ती घेतली होती. त्यामुळे ते आता केवळ एकदिवसीय (ODI) क्रिकेट खेळत आहेत. ऑस्ट्रेलियाविरुद्धची ही मालिका 2027 च्या ODI विश्वचषकाची तयारी म्हणून पाहिली जात आहे.
भारत विरुद्ध ऑस्ट्रेलिया ODI मालिकेचे संपूर्ण वेळापत्रक
भारताचा ऑस्ट्रेलिया दौरा 3 ODI आणि 5 T20I सामन्यांचा असेल. एकदिवसीय मालिका रविवार, 19 ऑक्टोबर पासून सुरू होत आहे.
| सामना | तारीख | वेळ (भारतीय प्रमाणवेळेनुसार) | ठिकाण |
| पहिली ODI | 19 ऑक्टोबर | सकाळी 9:00 वाजता | पर्थ |
| दुसरी ODI | 23 ऑक्टोबर | सकाळी 9:00 वाजता | अ‍ॅडलेड |
| तिसरी ODI | 25 ऑक्टोबर | सकाळी 9:00 वाजता | सिडनी |
रोहित आणि कोहली शेवटचे मार्च महिन्यात आयसीसी चॅम्पियन्स ट्रॉफीच्या अंतिम सामन्यात भारतासाठी खेळले होते. आता गिलच्या नेतृत्वाखालील या संघात त्यांची उपस्थिती संघाला अनुभव आणि स्थिरता देईल.
हे देखील वाचा –Maharashtra News: महाराष्ट्रातील हॉटेल्स-रेस्टॉरंट्स आता 24 तास खुली राहणार; मात्र ‘या’ गोष्टींना परवानगी नाही
