Team India Schedule 2026 : भारतीय पुरुष क्रिकेट संघासाठी 2026 हे वर्ष मैदानावर खूप धावपळीचे असणार आहे. वर्षाची सुरुवात न्यूझीलंडविरुद्धच्या मर्यादित षटकांच्या मालिकेपासून होईल, तर फेब्रुवारीमध्ये टी-20 वर्ल्ड कपचा थरार रंगणार आहे. गतविजेता संघ म्हणून भारत आपली पहिली मॅच 7 फेब्रुवारीला मुंबईत खेळणार आहे. यंदाच्या वर्षात भारतीय संघ तिन्ही स्वरूपाच्या क्रिकेटमध्ये एकूण 49 द्विपक्षीय सामने खेळण्याची शक्यता आहे.
Team India Schedule 2026: 2026 मधील प्रमुख मालिका आणि वर्ल्ड कप
11 जानेवारीपासून न्यूझीलंडविरुद्धच्या मालिकेने भारताच्या मोहिमेला सुरुवात होईल. यंदा भारत एकूण 18 एकदिवसीय सामने खेळणार आहे. यामध्ये जूनमध्ये अफगाणिस्तानविरुद्धचे 3 सामने आणि जुलैमध्ये इंग्लंडविरुद्धच्या 3 सामन्यांचा समावेश आहे. आयपीएल 2026 संपल्यानंतर टीम इंडियाच्या वेळापत्रकात कसोटी सामन्यांना प्राधान्य दिले जाणार आहे, जेणेकरून जागतिक कसोटी अजिंक्यपद स्पर्धेच्या (WTC) अंतिम फेरीत पोहोचण्याचा मार्ग सुकर होईल.
शुबमन गिलच्या नेतृत्वाखालील कसोटी आव्हान
कसोटी क्रिकेटमधील ढासळलेली कामगिरी सुधारण्याचे मोठे आव्हान कर्णधार शुबमन गिलसमोर असणार आहे. यासाठी ऑगस्टमध्ये श्रीलंका दौरा आणि वर्षाच्या शेवटी न्यूझीलंड दौरा भारतासाठी महत्त्वाचा ठरेल. 2026 च्या अखेरपर्यंत भारत एकूण 20 टी-20 सामने खेळणार आहे. त्यानंतर 2027 च्या सुरुवातीला मायदेशात होणाऱ्या बॉर्डर-गावस्कर ट्रॉफीकडे सर्वांचे लक्ष असेल.
Team India Schedule 2026: टीम इंडियाचे 2026 मधील वेळापत्रक
| महिना | मालिका | यजमान | सामने |
| जानेवारी 2026 | न्यूझीलंडचा भारत दौरा | भारत | 3 वनडे, 5 टी-20 |
| जून 2026 | अफगाणिस्तानचा भारत दौरा | भारत | 1 कसोटी, 3 वनडे |
| जुलै 2026 | इंग्लंडचा भारत दौरा | भारत | 3 वनडे, 5 टी-20 |
| ऑगस्ट 2026 | भारताचा श्रीलंका दौरा | श्रीलंका | 2 कसोटी |
| सप्टेंबर 2026 | भारताचा अफगाणिस्तान दौरा | अफगाणिस्तान | 3 टी-20 |
| सप्टेंबर-ऑक्टोबर | वेस्ट इंडिजचा भारत दौरा | भारत | 3 वनडे, 5 टी-20 |
| ऑक्टोबर-नोव्हेंबर | भारताचा न्यूझीलंड दौरा | न्यूझीलंड | 2 कसोटी, 3 वनडे, 5 टी-20 |
| डिसेंबर 2026 | श्रीलंकेचा भारत दौरा | भारत | 3 वनडे, 3 टी-20 |
राजकीय तणावामुळे बांगलादेशचा नियोजित दौरा अनिश्चित काळासाठी स्थगित करण्यात आला आहे. त्यामुळे यंदाच्या वेळापत्रकात त्या सामन्यांचा समावेश नाही. एकूणच क्रिकेट चाहत्यांसाठी हे वर्ष मनोरंजनाने भरलेले असणार आहे.
हे देखील वाचा – MG Windsor EV : टाटा मोटर्सला मोठा धक्का! ‘ही’ ठरली 2025 मधील सर्वाधिक विकली जाणारी इलेक्ट्रिक कार; पाहा खासियत
