2026 Royal Enfield Guerrilla 450 launch price India : रॉयल एनफील्डने भारतीय बाजारपेठेत आपली बहुप्रतीक्षित 2026 गुरीला 450 (Guerrilla 450) अधिकृतपणे लाँच केली आहे. कंपनीने या वेळी या बाईकमध्ये ‘अपेक्स’ (APEX) नावाचे नवीन व्हेरिएंट जोडले असून, जुन्या डॅश आणि फ्लॅश मॉडेल्समध्येही महत्त्वपूर्ण बदल केले आहेत.
शहरी भागात वेगाने धावणारी आणि रायडिंगचा आनंद देणारी ही आधुनिक रोडस्टर आता अधिक आक्रमक लूकमध्ये पाहायला मिळणार आहे.
Royal Enfield Guerrilla 450 : काय आहे नवीन ‘अपेक्स’ व्हेरिएंटमध्ये खास?
नवीन अपेक्स व्हेरिएंटला अधिक स्पोर्ट्स लूक देण्यात आला आहे. यामध्ये रायडरला समोरच्या बाजूला झुकून बसावे लागेल अशा पद्धतीने अॅल्युमिनियम हँडल बारची रचना केली आहे. तसेच:
- टायर्स: यामध्ये 17-इंचचे विशेष रेडस्टीन सेंटॉरो एसटी टायर्स वापरण्यात आले आहेत, जे ओल्या रस्त्यावरही उत्कृष्ट पकड (ग्रिप) देतात. कंपनीच्या मते, हे या श्रेणीतील सर्वात रुंद आणि स्टिकी टायर्स आहेत.
- रायडिंग मोड्स: यामध्ये ‘स्ट्रीट’ आणि ‘स्पोर्ट’ असे दोन मोड्स देण्यात आले आहेत. विशेष म्हणजे, बाईक बंद करून पुन्हा सुरू केल्यानंतरही ती जुन्याच मोडवर राहते (मोड रिटेंशन).
- डिस्प्ले: सर्व व्हेरिएंटमध्ये 4-इंचचा गोल टीएफटी डिस्प्ले (Tripper Dash) मिळतो, ज्यामध्ये गुगल मॅप्स नेव्हिगेशन आणि फोन कनेक्टिव्हिटीची सुविधा आहे.
दमदार इंजिन आणि परफॉर्मन्स
2026 मॉडेलमध्येही प्रसिद्ध ‘शेर्पा’ प्लॅटफॉर्मचा वापर करण्यात आला आहे. यामध्ये 452 सीसीचे लिक्विड-कूल्ड इंजिन असून ते 39 बीएचपी पॉवर आणि 40 एनएम टॉर्क जनरेट करते. बाईकच्या सस्पेन्शनसाठी समोरच्या बाजूला 43 मिमी टेलिस्कोपिक फोर्क्स आणि मागे मोनोशॉक देण्यात आला आहे.
व्हेरिएंटनुसार किमती (एक्स-शोरूम, चेन्नई):
- APEX Red: 2,49,194 रुपये.
- APEX Black/Green: 2,56,387 रुपये.
- Dash (Twilight Blue): 2,49,194 रुपये. (यासोबत हँडगार्ड आणि हेडलाईट ग्रिल मोफत मिळते).
- Dash (इतर रंग): 2,67,116 रुपये.
- Flash (Brava Blue): 2,72,479 रुपये.
डॅश आणि फ्लॅश व्हेरिएंटमध्ये आता सुधारित सिएट ग्रिप एक्सएल आरई टायर्स देण्यात आले आहेत, ज्यामुळे रायडरचा आत्मविश्वास आणखी वाढणार आहे. जर तुम्ही शक्तिशाली आणि स्टायलिश रोडस्टरच्या शोधात असाल, तर नवीन गुरीला 450 एक उत्तम पर्याय ठरू शकते.
