iPhone 15 discount : अनेक दिवसांपासून नवीन आयफोन घेण्याचे तुमचे स्वप्न आता पूर्ण होऊ शकते. महागड्या किमतीमुळे जे ग्राहक आयफोन खरेदी करणे टाळत होते, त्यांच्यासाठी फ्लिपकार्टने एक धमाकेदार डील आणली आहे. 2023 मध्ये लाँच झालेला iPhone 15 आता त्याच्या मूळ किमतीपेक्षा खूपच स्वस्त मिळत आहे. बँक ऑफर्स आणि एक्सचेंज सुविधेचा वापर केल्यास हा फोन अतिशय कमी किमतीत तुमचा होऊ शकतो.
काय आहे फ्लिपकार्टवरील ऑफर?
iPhone 15 ची लाँचिंग प्राईज 79,999 रुपये होती, मात्र सध्या हा फोन फ्लिपकार्टवर केवळ 54,900 रुपयांच्या सुरुवातीच्या किमतीत सूचीबद्ध आहे. म्हणजेच थेट 25,000 रुपयांची बचत करण्याची ही सुवर्णसंधी आहे. याशिवाय, ग्राहकांसाठी काही खास बँक ऑफर्सही उपलब्ध आहेत:
- बँक ऑफर्स: फ्लिपकार्ट ॲक्सिस किंवा फ्लिपकार्ट एसबीआय क्रेडिट कार्ड वापरल्यास 3,315 रुपयांपर्यंत अतिरिक्त सूट मिळू शकते. इतर सामान्य ॲक्सिस आणि एसबीआय कार्ड्सवर 1,000 रुपयांचा डिस्काउंट दिला जात आहे.
- नो-कॉस्ट EMI: बजेट कमी असल्यास तुम्ही दरमहा 8,817 रुपयांपासून सुरू होणाऱ्या विनाव्याज हप्त्यावरही (EMI) हा फोन घरी नेऊ शकता.
- एक्सचेंज ऑफर: जर तुमच्याकडे जुना स्मार्टफोन असेल, तर तो बदलून तुम्ही 52,400 रुपयांपर्यंतची सवलत मिळवू शकता. अर्थात, ही किंमत तुमच्या जुन्या फोनच्या मॉडेल आणि कंडिशनवर अवलंबून असेल.
iPhone 15 ची वैशिष्ट्ये
कमी किमतीत मिळत असला तरी या फोनचे फीचर्स आजही दमदार आहेत. यात 6.1 इंचाचा ओलेड डिस्प्ले देण्यात आला असून, त्याचा पीक ब्राइटनेस 2,000 निट्स आहे. हा फोन ए 16 बायोनिक प्रोसेसरवर चालतो, जो गेमिंग आणि मल्टीटास्किंगसाठी उत्तम आहे.
फोटोग्राफीसाठी यामध्ये 48 मेगापिक्सेलचा मुख्य कॅमेरा आणि 12 मेगापिक्सेलचा अल्ट्रावाईड लेन्स आहे. सेल्फीसाठी समोरच्या बाजूला 12 मेगापिक्सेलचा कॅमेरा देण्यात आला आहे. आयपी 68 रेटिंगमुळे हा फोन पाणी आणि धुळीपासूनही सुरक्षित राहतो. ५५,००० रुपयांच्या बजेटमध्ये सध्या मार्केटमध्ये उपलब्ध असलेला हा एक सर्वोत्कृष्ट पर्याय मानला जात आहे.
