Best Affordable Cars : तुमच्या आयुष्यातील पहिली नोकरी किंवा पहिला पगार तुमच्या स्वप्नातील कार (Best Affordable Cars) खरेदी करण्याची संधी घेऊन येतो. पण जर तुमचे बजेट मर्यादित असेल आणि मायलेज ही तुमची प्राथमिकता असेल, तर भारतीय बाजारपेठेत 5 असे उत्कृष्ट पर्याय आहेत, जे कमी किंमतीत मोठा फायदा देतात.
या कार्सचा मेंटेनन्सकमी असतो आणि त्या रोजच्या वापरासाठी अत्यंत उपयुक्त आहेत. पहिली कार खरेदी करू इच्छिणाऱ्यांसाठी 5 सर्वोत्तम हॅचबॅक कार (Best Affordable Cars) खालीलप्रमाणे आहेत:
Best Affordable Cars : कमी बजेटमध्ये येणाऱ्या 5 सर्वोत्तम कार्स
1. Tata Tiago (टाटा टियागो): टाटा टियागो तिच्या मजबुतीसाठी आणि आकर्षक डिझाईनसाठी प्रसिद्ध आहे.
- किंमत: याची एक्स-शोरूम किंमत फक्त ₹4.57 लाख आहे.
- मायलेज: ही कार 20 km/l पेट्रोल आणि 27.28 km/kg सीएनजीचे मायलेज देते. जर तुम्हाला सुरक्षिततेचा विचार करून चांगली आणि रफ-टफ बॉडी असलेली कार हवी असेल, तर टियागो एक उत्तम पर्याय आहे.
2. Renault Kwid (रेनो क्विड): रेनो क्विडला एसयूव्हीसारखा मजबूत लूक आणि अनेक ॲडव्हान्स फीचर्स मिळतात.
- किंमत: याची एक्स-शोरूम किंमत ₹4.29 लाख पासून सुरू होते.
- मायलेज: क्विडचे मायलेज अंदाजे 22 km/l आहे. यात डिजिटल इन्स्ट्रुमेंट क्लस्टर आणि ॲन्ड्रॉइड ऑटो सपोर्टसारखे फीचर्स मिळतात. हाय ग्राउंड क्लिअरन्समुळे खराब रस्त्यांवर ड्रायव्हिंग करणे सोपे जाते.
3. Maruti Suzuki Alto K10 (मारुती सुझुकी ऑल्टो K10): मारुती ऑल्टो K10 ही परवडणाऱ्या कार्समध्ये सर्वाधिक पसंत केली जाते.
- किंमत: याची सुरुवातीची एक्स-शोरूम किंमत ₹3.69 लाख आहे.
- मायलेज: ही हॅचबॅक 1-लीटर पेट्रोल इंजिनसह 24.39-24.90 km/l पेट्रोल आणि 33.85 km/kg सीएनजीचे मायलेज देते. 6 एअरबॅग्जमुळे ही कार सुरक्षित मानली जाते.
4. Maruti Celerio (मारुती सेलेरिओ): सेलेरिओ ही देशातील सर्वात जास्त मायलेज देणाऱ्या कारपैकी एक आहे.
- किंमत: याची एक्स-शोरूम किंमत ₹4.69 लाख पासून सुरू होते.
- मायलेज: याचा मायलेज पेट्रोलमध्ये 26 kmpl आणि सीएनजीमध्ये 34 km/kg पर्यंत जातो. यात ऑटोमॅटिक ट्रान्समिशन (AMT), स्मार्टप्ले इन्फोटेनमेंट आणि 6 एअरबॅग्जसारखे फीचर्स उपलब्ध आहेत.
5. Maruti Suzuki Wagon R (मारुती सुझुकी वॅगन R): मारुती वॅगन R तिच्या ‘टॉल बॉय’ डिझाईनमुळे आणि प्रशस्त केबिनमुळे प्रसिद्ध आहे.
- वैशिष्ट्ये: सीएनजी ऑप्शनमध्ये कमी इंधन खर्चासह 34 km/kg पर्यंत मायलेज मिळतो. स्मार्टप्ले स्टुडिओ इन्फोटेनमेंट आणि 6 एअरबॅग्जसारखे फीचर्स यात समाविष्ट आहेत.
- किंमत: याची एक्स-शोरूम किंमत ₹4.99 लाख आहे.
हे देखील वाचा – BlackRock Fraud : अमेरिकेत खळबळ! ‘ब्लॅकरॉक’ला गंडा घालणारे भारतीय वंशाचे सीईओ बंकिम ब्रह्मभट्ट आहेत तरी कोण?
