Best CNG SUVs India: सध्याच्या काळात डिझेल गाड्यांची संख्या कमी होत असून, मध्यमवर्गीय ग्राहकांचा कल सीएनजी एसयूव्हीकडे वाढला आहे. या गाड्या केवळ प्रदूषण कमी करत नाहीत, तर खिशालाही परवडतात. उच्च ग्राऊंड क्लीयरन्स आणि दमदार इंजिनमुळे या गाड्या खराब रस्त्यांवरही सहज धावतात. जर तुम्ही नवीन कार घेण्याच्या तयारीत असाल, तर १० लाख रुपयांपर्यंतच्या किमतीत उपलब्ध असणाऱ्या या ५ शानदार सीएनजी एसयूव्हीवर नक्की नजर टाका.
१. मारुती सुझुकी ब्रेझा (Maruti Suzuki Brezza S-CNG)
मारुतीची ब्रेझा ही सीएनजी सेगमेंटमधील एक पॉवरफुल गाडी मानली जाते. यात मोठे 1.5 लिटरचे इंजिन असून ते सीएनजी मोडमध्ये 87.8hp ची शक्ती देते. ही गाडी आपल्या मजबूत बांधणीसाठी आणि मोठ्या कॅबिनसाठी प्रसिद्ध आहे.
- किंमत: 9.17 लाख रुपयांपासून सुरू (एक्स-शोरूम).
२. टाटा नेक्सॉन (Tata Nexon iCNG)
टाटा नेक्सॉन ही देशातील पहिली टर्बो इंजिन असलेली सीएनजी कार आहे. यात 1.2 लिटर टर्बोचार्ज्ड इंजिन असून ते 170nm चा दमदार टॉर्क जनरेट करते. सुरक्षेच्या बाबतीत ही गाडी अव्वल असून यात ट्विन सिलिंडर तंत्रज्ञान मिळते.
३. मारुती सुझुकी फ्रँक्स (Maruti Suzuki Fronx CNG)
जर तुम्हाला स्टायलिश लूक आणि आधुनिक फिचर्स हवे असतील, तर मारुती फ्रँक्स हा उत्तम पर्याय आहे. यात 1.2 लिटरचे इंजिन असून ते सीएनजीवर 77.5hp पॉवर देते. याचे मायलेज हे ग्राहकांसाठी मोठे जमेची बाजू आहे.
- किंमत: 8.59 लाख रुपयांपासून सुरू (एक्स-शोरूम).
४. ह्युंदाई एक्सटर (Hyundai Exter CNG)
ह्युंदाईची एक्सटर ही फिचर्सने भरलेली मायक्रो एसयूव्ही आहे. यात 1.2 लिटरचे इंजिन असून सीएनजीवर ती 69hp पॉवर देते. ६ एअरबॅग्स आणि डॅशकॅमसारखे फिचर्स या गाडीला विशेष बनवतात.
- किंमत: 6,99,000 रुपयांपासून सुरू (एक्स-शोरूम).
५. टाटा पंच (Tata Punch iCNG)
कमी बजेटमध्ये उत्तम एसयूव्ही शोधणाऱ्यांसाठी टाटा पंच हा सर्वात लोकप्रिय पर्याय आहे. 1.2 लिटर इंजिनसह ही गाडी सीएनजीवर 73.3hp पॉवर देते. ड्युअल सिलिंडरमुळे या गाडीत डिकीची जागा (Boot Space) चांगली मिळते.
- किंमत: 6.75 लाख रुपयांपासून सुरू (एक्स-शोरूम).
वाढत्या सीएनजी पंप्समुळे आणि कमी देखभालीच्या खर्चामुळे या पाचही गाड्या सध्या भारतीय रस्त्यांवर राज्य करत आहेत.
