Cheapest Diesel SUV : ऑटो मार्केटमध्ये नेहमीच डिझेल एसयूव्हीची मागणी कायम राहिली आहे. विशेषतः मायलेज, पॉवर आणि परवडणारे पर्याय शोधणाऱ्यांमध्ये या गाड्या अधिक लोकप्रिय आहेत. तुम्ही देखील डिझेल एसयूव्ही खरेदी करण्याचा विचार करत असाल तर काही अशाच पर्यायांविषयी जाणून घेऊया.
1. Tata Nexon:
ही स्वदेशी एसयूव्ही तिच्या उत्कृष्ट सुरक्षिततेसाठी आणि योग्य किमतीसाठी ओळखली जाते. Tata Nexon ला 5-स्टार ग्लोबल NCAP रेटिंग मिळाले आहे.
- किंमत: एक्स-शोरूम किंमत ₹9.01 लाख पासून सुरू होऊन ₹14.15 लाख पर्यंत जाते.
- इंजिन आणि पॉवर: याचे 1.5-लीटर Revotorq डिझेल इंजिन 115 एचपी पॉवर आणि 260 एनएम टॉर्क देते, ज्याला 6-स्पीड मॅन्युअल/ एएमटी सह जोडले आहे.
- मायलेज: मायलेज सुमारे 24 किमी प्रति लीटरच्या आसपास आहे.
- वैशिष्ट्ये: 209 मिमी ग्राउंड क्लीयरन्स, 360-डिग्री कॅमेरा, 10.25-इंच स्क्रीन, सनरूफ आणि 6 एअरबॅग्ज मानक म्हणून उपलब्ध आहेत.
2. Hyundai Venue:
ही स्टायलिश आणि वैशिष्ट्यपूर्ण डिझेल एसयूव्ही तरुणांना आकर्षित करते.
- किंमत: एक्स-शोरूम किंमत ₹9.70 लाख पासून सुरू होऊन ₹15.69 लाख पर्यंत जाते.
- इंजिन आणि पॉवर: 1.5-लीटर CRDi डिझेल इंजिन 115 एचपी पॉवर आणि 250 एनएम टॉर्क तयार करते. हे 6-स्पीड मॅन्युअल किंवा एएमटी पर्यायासह उपलब्ध आहे.
- मायलेज: मायलेज 23-24 किमी प्रति लीटर आहे, जे या सेगमेंटमध्ये सर्वात जास्त आहे.
- वैशिष्ट्ये: 5-सीटर, 190 मिमी ग्राउंड क्लीयरन्स, एलईडी हेडलॅम्प्स, 8-इंच टचस्क्रीन, वायरलेस चार्जिंग, सनरूफ आणि 6 एअरबॅग्ज यांसारखी वैशिष्ट्ये याला प्रीमियम फील देतात.
3. Mahindra Bolero: सर्वात स्वस्त आणि मजबूत
Mahindra Bolero ही देशातील सर्वात स्वस्त डिझेल एसयूव्ही आहे, जी तिच्या मजबूतीसाठी आणि कमी देखभाल खर्चासाठी ओळखली जाते.
- किंमत: एक्स-शोरूम किंमत ₹7.99 लाख पासून सुरू होऊन ₹9.69 लाख पर्यंत जाते.
- इंजिन आणि पॉवर: यात 1.5-लीटर mHawk डिझेल इंजिन आहे, जे 75 एचपी पॉवर आणि 210 एनएम टॉर्क देते. याला 5-स्पीड मॅन्युअल गिअरबॉक्स जोडलेला आहे.
- मायलेज: या गाडीचे मायलेज सुमारे 16 किमी प्रति लीटर आहे.
- वैशिष्ट्ये: 7-सीटर लेआउट, उच्च ग्राउंड क्लीयरन्स (180 मिमी) आणि मजबूत बॉडी यामुळे ही ग्रामीण भागासाठी उत्तम आहे. यामध्ये एसी, पॉवर स्टीअरिंग सारखी मूलभूत वैशिष्ट्ये आहेत.
हे देखील वाचा – मध्यमवर्गीयांसाठी खास! 5 स्टार सेफ्टी रेटिंगसह ‘ही’ SUV आहे देशातील सर्वात स्वस्त; किंमत 5.50 लाखांपासून सुरू
