Google Search Trends : गुगलने आपला वार्षिक “इंडियाज इयर इन सर्च 2025: द ए टू झेड ऑफ ट्रेंडिंग सर्चेस” हा अहवाल नुकताच प्रसिद्ध केला आहे. या अहवालात 2025 या वर्षात भारतीयांनी गुगलवर सर्वाधिक कोणत्या गोष्टी शोधल्या, हे अधोरेखित करण्यात आले आहे. अभिनेते धर्मेंद्र यांच्यापासून ते महाकुंभ पर्यंत भारतातील सर्च ट्रेंडमध्ये व्यक्ती, घटना आणि सांस्कृतिक क्षणांचा समावेश होता.
मनोरंजन आणि एआयचा (AI) बोलबाला
मनोरंजन आणि तंत्रज्ञान या दोन्ही गोष्टींचा यावर्षीच्या गुगलच्या सर्वाधिक शोधल्या गेलेल्या यादीत समावेश आहे.
- मनोरंजन: सैयारा या चित्रपटातील अनीत पडा आणि अहान पांडे यांनी गुगल शोध यादीत जोरदार मुसंडी मारली. यानंतर फायनल डेस्टिनेशन, कांतारा आणि स्क्विड गेम यांचा क्रमांक लागतो. तसेच लोकांनी धर्मेंद्र आणि जुबीह गर्ग यांनाही भावपूर्ण श्रद्धांजली शोधली.
- तंत्रज्ञान (एआय): चॅटजीपीटीच्या लोकप्रियतेनंतरही, गुगल जेमिनीने सर्वाधिक शोधल्या गेलेल्या यादीत पहिले स्थान पटकावले. यावरून डीपसीक आणि परप्लेक्सीटी यांसारख्या एआय टूल्सचा देशात मोठ्या प्रमाणावर वापर होत असल्याचे दिसून येते. एआयच्या ट्रेंडमध्ये जेमिनी “नॅनो बनाना” आणि एक्स चा ग्रॉक यांनी इंटरनेटवर आश्चर्य निर्माण केले.
क्रीडा आणि पाककृती
क्रीडा क्षेत्रातही भारतीयांनी आपला उत्साह कायम ठेवला.
- क्रीडा: आयपीएलने पुन्हा एकदा सर्वाधिक शोधल्या गेलेल्या यादीत पहिले स्थान मिळवले. वैभव सूर्यवंशी आणि जेमिमा रॉड्रिग्स यांसारख्या उदयोन्मुख खेळाडूंचा अनेकांनी शोध घेतला, तर काहींनी महिला विश्वचषक शोधला.
- खाद्यपदार्थ: खाद्यपदार्थांच्या शोधात ठेकुआ, उकडीचे मोदक आणि पारंपरिक इडली यांसारखे पदार्थ अग्रस्थानी राहिले.
पर्यटन, मेम्स आणि ताज्या बातम्या
पर्यटन आणि इंटरनेटवरील मेम्स यावरही भारतीयांनी लक्ष केंद्रित केले.
बातम्या: ऑपरेशन सिंदूर, पहलगाम हल्ला आणि “युद्धबंदी म्हणजे काय?” यांसारख्या प्रश्नांना प्रचंड प्रतिसाद मिळाला. हवेची गुणवत्ता, भूकंप आणि दांडिया तसेच दुर्गा पूजा यांसारख्या स्थानिक सणांशी संबंधित बातम्यांचाही शोध घेण्यात आला.
पर्यटन: पुडुचेरी, फुकेत आणि फिलिपिन्स चा शोध वाढलेला असला तरी, फु क्वॉक हे नवीन लोकप्रिय ठिकाण म्हणून उदयास आले.
सोशल मीडिया आणि मेम्स: सोशल मीडियावर हळदीचे पाणी हा ट्रेंड सर्वांच्या फीडवर दिसून आला. मीम्स आणि इंटरनेटच्या जगात, “67 मीम” यावर्षी व्हायरल झाले, त्यानंतर अर्जुन कपूर आणि विशाल मेगा मार्टच्या सुरक्षा रक्षकाचे मीम शोधण्यात आले.
हे देखील वाचा – Vande Mataram Histroy: ‘वंदे मातरम’ला 150 वर्षे! पंतप्रधान मोदींचा काँग्रेसवर निशाणा; राष्ट्रीय गीताचा इतिहास काय? वाचा
