Healthy Breakfast: सकाळच्या वेळी नाश्त्याला काय बनवायचे, असा प्रश्न आपल्या सर्वांनाच पडतो. जर तुम्हाला सकाळच्या जेवणात चॉकलेट केकसारखा स्वादिष्ट पण तितकाच पौष्टिक पदार्थ खायला मिळाला तर? फिटनेस इन्फ्लुएन्सर ज्युलीयाना (Fit Foodie Jules) यांनी सोशल मीडियावर एक खास ‘डबल चॉकलेट बेक्ड ओट्स’ रेसिपी शेअर केली आहे.
ही रेसिपी पूर्णपणे शाकाहारी असून यामध्ये तब्बल 34 ग्रॅम प्रोटिन मिळते. विशेष म्हणजे ही डिश खाल्ल्यानंतर तुम्हाला दिवसभर चॉकलेट खाण्याची वेगळी ओढ लागणार नाही.
आवश्यक साहित्य
हा पौष्टिक नाश्ता बनवण्यासाठी तुम्हाला स्वयंपाकघरातील केवळ 7 साहित्यांची गरज आहे:
- 50 ग्रॅम ओट्सचे पीठ (किंवा मिक्सरला फिरवलेले ओट्स)
- 5 ग्रॅम कोको पावडर
- 25 ग्रॅम व्हेगन चॉकलेट प्रोटिन पावडर
- 1/2 टीस्पून बेकिंग पावडर
- 140 ते 150 मिली पाणी (किंवा दूध)
- 1 डार्क चॉकलेटचा तुकडा
- सजावटीसाठी डार्क चॉकलेट चिप्स
कृती (Method)
- मिश्रण तयार करा: एका बाऊलमध्ये ओट्सचे पीठ, कोको पावडर, प्रोटिन पावडर आणि बेकिंग पावडर एकत्र करा. त्यात थोडे थोडे पाणी घालून गुठळ्या होणार नाहीत याची काळजी घेत मध्यम स्वरूपाचे बॅटर तयार करा.
- बेकिंग डिशमध्ये ओता: ओव्हनमध्ये ठेवता येईल अशा एका भांड्याला थोडे तेल किंवा तूप लावून ग्रीस करून घ्या. त्यानंतर तयार केलेले मिश्रण त्या भांड्यात ओता.
- चॉकलेटचा ट्विस्ट: मिश्रणाच्या मध्यभागी डार्क चॉकलेटचा तुकडा ठेवा आणि तो वरून थोड्या मिश्रणाने झाकून टाका.
- सजावट: वरून आवडीनुसार डार्क चॉकलेट चिप्स पसरवा.
- बेक करा: ओव्हन 180°C वर प्रीहीट करून घ्या. त्यानंतर हे भांडे ओव्हनमध्ये ठेवून 20 ते 25 मिनिटे बेक करा.
तुमचा गरमागरम आणि आरोग्यदायी चॉकलेट बेक्ड ओट्स तयार आहे! हा पदार्थ दिसायला आणि चवीला अगदी चॉकलेट केकसारखाच लागतो, पण तो शरीरासाठी अत्यंत फायदेशीर आहे.
हे देखील वाचा – Mohammed Shami : टीम इंडियाचा वेगवान गोलंदाज मोहम्मद शमीला निवडणूक आयोगाची नोटीस; ‘हे’ आहे कारण
